A patronal galega convoca eleccións o 10 de maio para elixir un novo presidente logo da dimisión de Antón Arias tras meses de manobras dos seus críticos. Desde a súa chegada á presidencia da CEG hai un ano, Arias apostou por subir soldos e defendeu unha consulta pactada en Catalunya.
O Constitucional mantén a prohibición á investidura de Puigdemont se non se entrega antes. O pleno do tribunal desestima o recurso presentado polo candidato de Junts per Catalunya e rexeita que as medidas adoptadas vulneren a autonomía parlamentaria.
A Xunta prohíbe aos funcionarios de Xustiza coller días de asuntos propios e vacacións en febreiro ante a posible folga indefinida. Os traballadores recorrerán á Fiscalía a decisión da Consellería. Máis información, esta tarde en Praza.gal.
Os Mossos rexistraron esta mañá o maleteiro do taxi de Xavier Domènech, líder de Catalunya en Comú, por se ocultaba a Carles Puigdemont. Cóntao eldiario.es
Detidos dous ultras do Frente Atlético por ameazar de morte a unha das testemuñas do caso Jimmy. Toda a información sobre o asasinato do afeccionado deportivista, aquí.
O presidente do Parlament de Catalunya adía o pleno de investidura de Puigdemont para formular alegacións ante o Tribunal Constitucional. Roger Torrent advirte de que "nin a vicepresidenta Soraya nin o Constitucional decidirán quen ten que ser o presidente" da Generalitat.
O vicepresidente Rueda asume dende hoxe "o despacho dos asuntos da Presidencia" da Xunta pola viaxe oficial de Feijóo a Israel. A remuda mantense ata o regreso do presidente, tal e como detalla o decreto que hoxe publica o DOG.
Un informe interno do Goberno británico revela que o impacto do Brexit será negativo "en calquera escenario". Revelouno Buzzfeed en exclusiva.
Podemos depurará o seu censo para evitar que persoas inscritas non activas voten nos seus procesos internos. A formación conta con 22.000 persoas inscritas en Galicia, 14.700 consideradas activas, que agora terán que achegar o seu DNI e se lles entregará unha "credencial de compañeiro/a"
O Parlament de Cataluña celebra este martes ás 15 horas a sesión de investidura do novo president da Generalitat. Antes, ás 10 horas, reunirase a Mesa da cámara. E ás 13 horas o Tribunal Constitucional decidirá se levanta a prohibición da posible investidura a distancia de Puigdemont. En todo caso Roger Torrent debería decidir se acata ou non esa prohibición.
