O Goberno central autoriza a Arsenio Fernández de Mesa, ex-director da Garda Civil, a incorporarse a unha empresa de armamento. O político ferrolán, moi próximo a Rajoy, recolocouse dous meses despois de deixar o Instituto Armado como conselleiro da semipública Red Eléctrica.
Varios membros do Govern catalán cesado por Rajoy declaran este xoves ante a Audiencia Nacional para responder pola querela da Fiscalía. Puigdemont confirmou que permanece en Bruxelas.
Localizada e filmada outra balea azul na costa galega. Entre o 10 de setembro e o 31 de outubro, en once días de mostra, foron avistadas 60 baleas entre Fisterra e as Cíes, cinco delas azuis, como se pode ver neste vídeo do BDRI
As temperaturas máximas medias en outubro nas cidades galegas foron entre 3 e 6 graos superiores ao habitual, destaca 4Gotas, que apunta que nos últimos anos se vén consolidando esta tendencia a ter outonos cálidos e secos. En outubro, de feito, choveu apenas entre o 8% e o 20% do que é normal para este mes. Os días de verán duplicáronse en Compostela dende 1950, segundo unha investigación da USC
O novo secretario xeral do PSdeG-PSOE, Gonzalo Caballero, afirma que "se o consenso constitucional avanza cara a un modelo de Estado plurinacional no que existan nacións culturais, Galicia terá que estar no pelotón de saída xunto a Cataluña e País Vasco". O novo líder dos socialistas galegos aposta por un PSdeG-PSOE cunha liña "autónoma" pero "en sintonía" con Ferraz.
O avogado belga de Puigdemont afirma que o político non acudirá á citación da Audiencia Nacional. Paul Bekaerts afirma que o ex presidente da Generalitat "non tería un xuízo xusto en España" e di que o seu cliente adoptará "a actitude de esperar a ver que pasa"
O Códice Calixtino pasa a formar parte do rexistro da memoria do mundo da Unesco. A candidatura foi formulada pola Xunta.
O Supremo cuestiona a causa xeral por rebelión que propón Maza, fiscal xeral do Estado, e inclínase por investigar o Goberno catalán por "conspiración", delito castigado con penas de cadea moito menores.
Un ataque terrorista cunha furgoneta causa oito mortes en Nova York. O vehículo invadiu un carril-bici. O seu condutor, que foi detido, berrou "Allahu akbar" (Alá é grande) tras a acción e a policía investiga se realizou a acción inspirado polo ISIS.
ÚLTIMA HORA | A Audiencia Nacional admite a querela contra Puigdemont e o Govern por rebelión e cítao o xoves para declarar. Máis información aquí.
