Xoel López, Sés, Jarabe de Palo, Macaco, Miguel Bosé, a Orquestra Sinfónica de Galicia ou o espectáculo Chané na Habana, entre as principais ofertas musicais das Festas de María Pita da Coruña, que comezarán o vindeiro 1 de agosto co pregón do ex-xogador de baloncesto Fernando Romay. O Concello coruñés vén de presentar o cartel e o programa da celebración.
CGT convoca folga en Renfe e Adif para o venres 28 de xullo entre as 0.00 e as 23.00 horas. O sindicato reclama unha maior dotación de persoal e o cumprimento dos convenios colectivos. O paro engadirase aos diversos conflitos que afectan ao sector do transporte que aínda non atoparon solución definitiva.
Detido o presidente da Federación Española de Fútbol nunha operación contra a corrupción. Ángel María Villar foi prendido en Madrid xunto ao seu fillo e o operativo continúa aberto. Está a contalo eldiario.es
Gonzalo Caballero confirma que pretende presentarse ás primarias do PSdeG. Di que está "disposto" a ser un dos aspirantes a liderar o socialismo galego durante unha entrevista na Radio Galega.
Descartadas todas as construtoras españolas que optaban a facer o tren de alta velocidade británico. Acciona, ACS, FCC e Ferrovial, todas elas moi implicadas no AVE galego, son descartadas xusto tras a visita do rei ao Reino Unido.
Cambados acolle este luns a homenaxe ao intelectual galeguista Plácido Castro no 50º aniversario do seu falecemento. Xulio Ríos explica neste artigo a importancia da figura e as razóns do acto que impulsa a Fundación que leva o seu nome.
O PP da Coruña admite que tentou desbancar os gobernos das mareas en alianza co PSOE e lamenta que a vitoria de Pedro Sánchez dificulte esa posibilidade. O presidente provincial do partido, Diego Calvo, descualifica os gobernos da Coruña, Santiago e Ferrol como "cuatro o cinco" que "vinieron a gobernar". Afirmouno nunha entrevista en Radio Coruña
VÍDEO | O voceiro do PP, Pablo Casado, equipara o apoio a ETA coa defensa do referendo catalán ou do Goberno de Venezuela. Fíxoo nun acto das Novas Xeracións do partido que recolle esta gravación, difundida polo partido
Falece aos 77 anos George A. Romero, o 'pai' do cinema de zombies de orixe galega.
Audasa mantén pechado o enlace da AP-9 en Oroso dous meses despois do remate das obras. Os traballos acumularon ano e medio de demoras e agora "a apertura estase volvendo a atrasar por problemas entre funcionarios do Ministerio de Fomento", asegura o alcalde, Manuel Mirás, quen advirte de que a veciñanza xa valora emprender mobilizacións contra a concesionaria. Fomento defendeu a xestión xeral da empresa esta mesma semana. (Na imaxe, o enlace durante as obras).
