O vídeo de Nadal do PPdeG sitúa Alfonso Rueda ao volante dun autobús e reivindica o "me gusta la fruta" eufemismo popularizado por Isabel Díaz Ayuso, que ironizou con ese lema logo de insultar o presidente do Goberno de España, Pedro Sánchez.
Fálase
O BNG lanza un vídeo de Nadal no que avanza "unha Galiza mellor con Ana Pontón como presidenta". "É tempo de ilusión e de confiar", di a candidata do Bloque na peza.
Feijóo pide a Sánchez que "os medios de comunicación públicos poidan traballar sen inxerencias" e o "nomeamento por consenso" da dirección da RTVE. Defende A Galega retruca lembrando que "nunca houbo na CRTVG maior inxerencia que a exercida pola Xunta que presidiu Feijóo e agora o seu sucesor" e que en Galicia hai anos que se "vulnera a lei cun director xeral nomeado a dedo".
O segundo premio da Lotería de Nadal deixa máis de 200 millóns entre A Coruña e O Grove. O 'gordo' reparte 8 millóns na Pobra e algún outro premio noutros 16 concellos.
Ás 9 da mañá comeza o sorteo da Lotaría do Nadal. Podes comprobar os números premiados na web oficial de Loterías y Apuestas del Estado.
Feijóo fará campaña nas eleccións galegas con caravana propia, paralela á de Alfonso Rueda. O líder do PP seguirá o modelo que xa probou en Andalucía con Juanma Moreno e participará nunha campaña na que tamén estará Mariano Rajoy.
Jácome cre que situar as eleccións no Entroido é "un claro desprezo a Ourense". O alcalde ourensán e líder de Democracia Ourensana cre que, malia todo, a súa formación será "chave do futuro goberno da Xunta".
O deputado do BNG Xosé Luís Rivas, Mini, rematou este mércores o derradeiro Pleno do ano, como vén sucedendo nos últimos anos, cunha panxoliña aplaudida por todo o Parlamento de Galicia. Mini reivindicou a tradición musical galega fronte a panxoliñas importadas.
O BOE publica a sentenza do Constitucional adiantada este mércores por Praza.gal que revela que a Xunta lamentou que o imposto estatal ás grandes fortunas non deu tempo aos ricos a mudar a súa residencia fiscal.
As traballadoras da limpeza encadéanse no Concello de Lugo para reclamar a intervención do goberno municipal no seu conflito coa patronal, polo que suman máis de tres meses en folga.
