Núñez Feijoo anuncia a súa intención de estender os centros plurilingües á educación infantil de 3 a 6 anos e un maior fomento do ensino do inglés e do portugués
Fálase
Feijoo promete baixadas de impostos nesta lexislatura. Ademais, sitúa como obxectivos un emprego de máis calidade -a través dunha nova Lei de Emprego-, o impulso do sector primario e a protección dos servizos públicos "para facer de Galicia un lugar atractivo para nacer e para vivir". Promete crear entre 80.000 e 100000 novos empregos, reducindo a taxa de paro ata situala "por debaixo dos dous díxitos".
Feijoo pídelles ás forzas da oposición "traballar xuntos" e chegar a "pactos", destacando que "a maioría absoluta dálle a Galicia unha forza indiscutible en todos os debates que están a piques de abrirse en España", comezando polo financiamento autonómico
“Por Galicia, para Galicia e en Galicia, por iso estou así”, así comeza Alberto Núñez Feijoo o seu discurso, que destaca: "preséntome a esta investidura como un militante de Galicia". Subliña que “este momento esixe acordos” e que “a xente non quere leas, quere estabilidade”
Ás 9.30 comezará o discurso de investidura de Alberto Núñez Feijoo, que durará ao redor de 90 minutos. Despois, a sesión suspenderase 48 horas, retomándose o xoves. Podes seguilo en directo neste enlace
O fiscal pide agora ao xuíz que cite a testemuña protexida do caso Jimmy, que sinalara catro ultras do Frente Atlético como autores do asasinato. Opuxérase antes ao entender que existía "perigo para a súa vida".
Sanidade reclama que se prohíba aos médicos recibir agasallos das farmacéuticas. Os expertos advirten que os congresos patrocinados pola industria son "propaganda" e non formación e alerta de "pagamentos excesivamente altos" a profesionais por ensaios clínicos.
Obama acumula esforzos para evitar a vitoria de Donald Trump. A escasa popularidade de Hillary Clinton obriga o aínda presidente a multiplicarse en actos nos últimos días de campaña.
Los Suaves cancelan o seu concerto de despedida en Ourense polos problemas de saúde do seu cantante Yosi. O evento estaba previsto para o vindeiro 17 de decembro.
O pleno da Coruña aproba un acordo de mínimos para o impulso da área metropolitana. O texto saíu adiante cos votos a prol da Marea Atlántica e do BNG e mais do voceiro do PSdeG. Os restantes edís socialistas e os do PP abstivéronse. O proceso metropolitano comezou o pasado outubro ao abeiro da 'Declaración de María Pita', impulsada por sete alcaldías.
