Dimite o director da fundación estatal responsable do Museo da Ciencia da Coruña (Muncyt) tras a polémica por usar coches con chofer. José Ignacio Fernández Vera gastou só entre 2014 e 2015 preto de 25.000 euros en alugar vehículos para desprazamentos de Madrid a Salamanca, de onde é natural, ou ao aeroporto para viaxes entre as que hai varias á Coruña. Cóntao El País.
ÚLTIMA HORA | O Tribunal Constitucional suspende o Pleno do Parlament do luns que ía avaliar a declaración de independencia. A suspensión prodúcese a petición do PSC.
Rajoy esixe a Puigdemont que non declare a independencia para evitar "males maiores". Reclámalle que volva "á legalidade".
O autor inglés Kazuo Ishiguro gaña o Premio Nobel de Literatura, segundo vén de comunicar a Academia Sueca, que o outorga.
A Fiscalía pide cinco anos de cárcere para o ex-edil lucense Francisco Fernández Liñares por branquear 300.000 euros de subornos. Nunha das pezas separadas do caso Pokémon, a fiscal, nun escrito de xuño divulgado agora por varios medios e ao que tivo acceso Praza.gal, pide tamén para o ex-concelleiro socialista e ex-presidente da Confederación Miño-Sil unha multa do dobre do branqueado e 15 anos de inhabilitación. A fiscal pide penas similares para Miguel García-Gesto, o empresario amigo que o axudou a branquear.
O consello do Banco Sabadell reúnese esta tarde para aprobar o cambio de enderezo social da entidade. A mudanza podería realizarse nas vindeiras horas e antes do pleno do luns do Parlament.
A Audiencia de Madrid ordena reabrir a investigación por branqueo contra Rodrigo Rato
Continúan as protestas pola supresión de áreas sanitarias que pretende a Xunta coa reforma da Lei de Saúde. Este xoves está convocada unha manifestación en Burela contra a supresión da área da Mariña.
A folga das auxiliares de Navantia paraliza os dous estaleiros en Ferrol. Centos de traballadores formaron grandes piquetes ás portas dos centros de traballo no paro convocado pola CIG. Reclaman o pagamento dos acordos salariais do ano 2001. Máis información, hoxe en Praza.gal.
Os dous candidatos á secretaría xeral do PSdeG, Gonzalo Caballero e Juan Díaz Villoslada, debaten publicamente esta tarde, a tres días da votación do vindeiro domingo. O debate estará dividido en modelo económico, modelo social e modelo de partido e poderá ser seguido por streaming na web das primarias.
