Fálase

ÚLTIMA HORA | A xuíza Lamela entrega a causa contra o Govern catalá ao Supremo. Resolve en contra do criterio da Fiscalía, que pedira que o proceso seguise na Audiencia Nacional. 

Os transportistas rexeitan a reforma de Fomento que pode eliminar 7.000 autónomos. O regulamento obriga a ter polo menos tres camións para poder traballar e o 80% do sector ten un só vehículo. 

Berizzo, ex-técnico do Celta, sofre cancro de próstata. Terá que pasar polo quirófano e recibir tratamento nos vindeiros días. O Sevilla, actual club do adestrador, vén de emitir un comunicado sobre a súa situación médica. 

Estíbaliz Espinosa gaña a XV edición do Premio de Poesía Afundación, que a entidade convoca xunto ao Centro PEN de Galicia. O xurado estivo formado por Berta Dávila, María Neves Soutelo, Mario Regueira, Xabier Castro Martínez e Luís González Tosar

Xunta e universidades adiantan a convocatoria de setembro da selectividade a xullo. Comezará a aplicarse ao alumnado que estea matriculado en 2º de Bacharelato durante o próximo curso 2018-19.

Difunden un vídeo de denuncia do novo spot da campaña institucional da Xunta polo 25 de novembro ("Non son flores, son mulleres"). A peza crítica limítase a dicir que "Rosa, margarida, violeta, hortensia... son flores, non mulleres. Contra a cousificación das mulleres: Fala, denuncia, actúa". "Somos quen de reinventar o discursos reapropiándonos das campañas que pagamos todas", destacan.

A petición de ilegalización da Fundación Franco chega á Eurocámara. Vén de ser entregada á eurodeputada Tatjana Ždanoka, membro da comisión de peticións, pola voceira do BNG no Parlamento comunitario, Ana Miranda, e a edil de Benestar do Concello de Sada, Isabel Reimúndez. A petición inicia así a súa tramitación e será valorado se a actividade da fundación colide coa normativa da UE.

O DOG publica o nomeamento do rei emérito Juan Carlos como embaixador do Camiño, acordado pola Xunta o pasado venres, cando Feijóo salientou que “pasa bastantes tempadas en Galicia”. É o cuarto receptor, tras o daquela príncipe Felipe, Vicente del Bosque e Mariano Rajoy, dunha distinción que o Goberno galego engadiu ás varias que xa tiña creadas pero deu de lado.

Galicia sitúase á cola da recuperación do emprego destruído durante a crise. Conta con 143.000 traballadores menos e acumula, xunto a Extremadura, aínda un recorte do 12% de ocupación. 

O Ministerio de Facenda permitiu a Jaén saltarse as regras orzamentarias polas que interveu Madrid. Fíxoo "excepcionalmente" malia que non cumpría cos axustes requiridos.