A Mesa pola Normalización Lingüística chama á mobilización tras coñecer que o Ministerio de Educación só admite traballos en castelán no certame universitario Arquímedes, que premia os mellores labores de investigación universitaria en todo o Estado.
Grado33. Un clásico do tecnopop galego na última serie de culto da HBO. No regreso de VINTE tras as vacacións coñecemos como revive 17 anos despois o interese pola música do vigués Carlos Ordóñez grazas á banda sonora de Los Espookys
Segue a actividade sísmica na provincia de Ourense. A pasada madrugada un terremoto con epicentro en Carballeda de Valdeorras acadou unha intensidade de 3,5.
A Xunta oficializa a remuda de José María Arias, ex-presidente do Banco Pastor, como presidente do Consello Social da Universidade de Santiago. A nova titular do posto é Cecilia Sierra, ex-concelleira do PP en Santiago e vicepresidenta de Urovesa
Un xuíz de Barcelona imputa oito inspectores de policía polas cargas do 1-O en Barcelona para impedir o referendo. Chama a declarar aos responsables dos axentes que actuaron en varios colexios da capital catalá.
O forte vento aviva o risco de lume, de nivel extremo en practicamente toda Galicia agás na Mariña . Medio Rural informa tamén dun incendio en Porto do Son que xa supera o limiar das 20 hectáreas, que a Consellería utiliza como referencia para facer públicos estes datos.
Varios tremores de terra atinxiron á provincia de Ourense nos últimos tres días. O máis intenso, esta noite, acadou unha intensidade de 3,3 e tivo o seu epicentro en Cartelle, segundo datos do IGN.
Un incendio queima "en torno a unhas 35 hectáreas" no concello ourensán de Cenlle. Segundo Medio Rural, as tarefas de extinción evolucionan "favorablemente". Tamén se produciron nas últimas horas outros incendios noutros puntos do país, se ben a Xunta non ofrece detalles ao respecto. (Imaxe: CSIF Forestais)
O PP logra a absolución no xuízo pola destrución dos ordenadores de Luis Bárcenas ao non ver delito na conduta do partido. Informa eldiario.es
A Junta de Andalucía, gobernada por PP e Ciudadanos, anuncia subvencións para dar clases de castelán a persoas de orixe andaluza que reciban o ensino en galego, euskera ou catalán en autonomías onde son oficiais. Segundo o aprobado, a intención é que os "afectados por procesos de inmersión lingüística" eviten o "abandono das súas raíces culturais". En Galicia a Junta ten inscritas dúas comunidades andaluzas con algo menos de 1.000 persoas asociadas, segundo os seus últimos datos.
