15 forzas políticas de todo o Estado español crearon un grupo de traballo do Parlamento europeo para defender a instauración dunha renda mínima na UE. O obxectivo é estender esta iniciativa ás restantes formacións da eurocámara.
Fálase
Monago asegura que é "mentira" que pagase 32 viaxes a Canarias con cargo ao Senado, como publicou Público.es. O presidente extremeño asegura que só foron 16 e por motivos profesionais: "non cadra nin a cifra nin a data", mantén. Amosa, asemade, un extracto cos gastos da súa tarxeta de crédito persoal.
Paula Prado comparece esta mañá ante o TSXG como imputada no caso Pokémon. Despois de que o alcalde de Ferrol deixase de estar imputado no mesmo caso Feijóo defende esta situación como un motivo para a cautela e para manter as persoas imputadas nos seus postos.
A Federación Galega da Construción pide non "demonizar" as modificacións de contratos. Faino en plena polémica polo cambio, cunha lei a medida, da contratación da autovía da Costa da Morte.
Disquecool dá a coñecer os nove proxectos seleccionados para participar no Off Culturgal deste ano, que se celebrará entre o 5 e o 7 de decembro no marco do Culturgal.
O curioso incidente do can a media noite, de Mark Haddon, é o libro mái lido nos clubes de lectura das bibliotecas escolares galegas, segundo publica o blog Ler en mancomún. Ségueo O neno do pixama a raias (John Boyne), A praia dos afogados (Domingo Villar) e Cartas de inverno (Agustín Fernández Paz), nunha lista con obras tamén de Xulia Alonso, Marcos Calveiro e Pedro Feijoo.
O Supremo investigará a Chaves e Griñán polo caso dos ERE en Andalucía.
O gasto en I+D en España segue descendendo, segundo os datos que vén de publicar o INE. En 2013 foi de 13.052 millóns de euros, 340 millóns menos que o ano anterior, e tan só o 1,24% do PIB, cada vez máis lonxe do obxectivo do 3% fixado pola UE para 2020. Ademais, España perdeu 3.195 investigadores e investigadoras no último ano.
O PSOE pronúnciase sobre as ordes de detención cursadas por Interpol para os ex ministros de gobernos franquistas. A través do seu portavoz no Congreso, Antonio Hernando pide "respectar o que diga a Audiencia Nacional e o que establece a legalidade vixente".
Jon Díez Domínguez, director de fotografía, denuncia que tras ser contratado para traballar nunha maqueta do anuncio da Lotaría de Nadal (realizado por RCR Films e Leo Burnett) que finalmente foi seleccionada por Loterías del Estado, nin cobrou polo traballo nin foi incluído na realización final do spot.