Fálase

As vítimas inician os días 4 e 11 de xullo as comparecencias na comisión de investigación sobre Angrois no Congreso. Na segunda xornada están citados tamén o maquinista e o interventor do Alvia. Os grupos acordaron este martes as datas das tres primeiras sesións, que continuarán o 17 de xullo, todas elas con catro comparecencias, dúas pola mañá e dúas pola tarde. Malia que a plataforma de vítimas quería ser a última en intervir para poder matizar con documentos o que digan outros e non ven útil a comparecencia do maquinista e o interventor, PP e PSOE impuxeron que sexan os ex-ministros Blanco e Pastor os que pechen as comparecencias, previsiblemente no outono.

Sés, Rebeliom do Inframundo, Sonia Lebedynski ou A Banda da Balbina, no cartel do Festigal 2018, cuxa programación vén de ser presentada este martes e da que xa avanzaran o convite a Valtonic.

O Supremo deixa a condena de Iñaki Urdangarín en 5 anos e 10 meses de cárcere no caso Nóos. A Audiencia de Balears terá que decidir agora sobre o ingreso en prisión do cuñado do rei.

A policía rexistra a Conselleria de Economia e a sede de Mediapro polo 1-O en Catalunya. 

Parte das 629 persoas que viaxan no Aquarius serán transferidas a barcos italianos para o desprazamento ata Valencia. A bordo do buque que rescatou estas persoas migrantes viaxa tamén o fotógrafo galego Óscar Corral, que está a informar para o diario El País. (Imaxe: SOS Méditerranée)

Este martes comezan as probas de acceso á universidade en Galicia con preto de 11.500 persoas inscritas. Consulta aquí o calendario de todo o proceso e o requisito das orellas “despexadas” que piden as universidade para evitar fraudes. [Imaxe: USC]

A Axencia Espacial Escolar Galega anuncia que "xa está legalizada" e segue adiante cos seus proxectos científicos. O pasado maio a NOSA, impulsada por institutos públicos galegos, recuperou a terceira sonda que lanzara á estratosfera.

O novo Goberno central ofrece o porto de Valencia para acoller os 629 refuxiados á deriva no Mediterráneo rexeitados por Italia e Malta. Así o comunicou á Generalitat Valenciana, que se amosara disposta a esta acollida xunto co Concello de Valencia. 

Nova sentenza condenatoria da trama Gürtel. A Audiencia Nacional sentencia que o PP se financiou ilegalmente en Valencia e impón condenas de prisión ao ex-secretario xeral do partido nesa comunidade, así como a membros da trama como Correa ou o 'Bigotes'

O Compostela segue adiante na fase de ascenso a Segunda B tras lograr a remonta da eliminatoria ante o Terrassa cun 3-0 en San Lázaro.