'A nación das Mulleres'. A revista Luzes e Nós TV xuntan este xoves en Santiago a Alexandra Fernández (En Marea), Ana Pontón (BNG), Carmela Silva (PSdeG) e Marta Lois (Compostela Aberta) para debateren sobre o papel das mulleres na política e nos liderados. O encontro celébrase ás 20:00 no Matadoiro, na antiga Casa da Xuventude
O presunto asasino de Ana Enjamio ingresa na prisión da Lama ante o risco de fuga e de destrución de probas. O Xulgado de Violencia sobre a Muller de Vigo superará neste ano os 1.300 asuntos tratados. Só este martes catro mulleres pediron ordes de afastamento contra as súas parellas ou ex parellas. 14 homes atópase nestes momentos en prisión preventiva á espera de xuízo.
Xulio Ferreiro acusa a Autoridade Portuaria de "deslealdade" por acordar a poxa do complexo da Solana sen informar ao Concello e negándose a venderllo de forma directa á cidade da Coruña. A Comisión Aberta en Defensa do Común convoca unha concentración, esta tarde ás 17.30 horas, para exixir a devolución gratuita da Solana e do Hotel Finisterre ao Concello.
A banca resístese ao pagamento automático aos afectados polas hipotecas con cláusulas solo. As entidades non ofrecerán devolucións automáticas aos seus clientes e aseguran que analizarán caso por caso cada unha das hipotecas. O Tribunal Supremo celebrará un pleno extraordinario sobre as cláusulas solo
Os alcaldes da Coruña e Vigo manteñen unha xuntanza oficial por primeira vez en 25 anos. Xulio Ferreiro e Abel Caballero mantiveron unha xuntanza "de cortesía" aproveitando a visita do rexedor vigués á casa consistorial coruñesa para a inauguración do retrato oficial de Francisco Vázquez. Cadansúas áreas metropolitanas, sinalan, foron o centro dos temas abordados no encontro, que se repetirá en Vigo co gallo do vindeiro encontro entre Celta e Dépor.
Arquivada a causa de Jimmy, asasinado por ultras do Frente Atlético en Madrid. O caso péchase sen culpables da súa morte. Máis información, hoxe en Praza.
O Movemento Galego en Defensa das Pensións Publicas manifestouse este martes en Vigo e Pontevedra para denunciar a actual situación do sistema público de pensións, cun "alto risco" de desaparecer
Galicia completa o seu cuarto ano de total parálise eólica. Dende o 2010, ano en que o Goberno de Feijoo anulou o concurso eólico do Bipartito, só se instalaron 72 megavatios eólicos.
Ferroatlántica rebaixa de 96 a 20 os empregos que crearía a planta de carbón que propón construír en Galicia se a Xunta lle permite vender as centrais hidroeléctricas dos ríos Xallas ye Grande
Concorridas concentracións rexeitan a violencia machista por toda Galicia tras os asasinatos en Vigo e Santiago. Na imaxe, A Coruña
