O ministro do Interior sentencia que algunhas ONG que rescatan migrantes no Mediterráneo "favorecen a inmigración irregular". As organizacións retrucan que non vai "deixar morrer" persoas mentres poidan evitalo. Está a contalo Desalambre
![](https://praza.gal/media/cache/live_image/xornal/uploads/falase/foto/595f2b42c3c7c-bourbon-argos-acnur-fotografia-rodriguezmsf_ediima20161031_0192_25.jpg)
O ministro do Interior sentencia que algunhas ONG que rescatan migrantes no Mediterráneo "favorecen a inmigración irregular". As organizacións retrucan que non vai "deixar morrer" persoas mentres poidan evitalo. Está a contalo Desalambre
O xuíz volve citar ao ex-xefe de Seguridade de Adif despois de que a Audiencia ratificase a súa imputación por Angrois. Andrés Cortabitarte, en quen o tribunal ve “indicios dunha actuación deficiente, por incompleta e parcial, na avaliación de riscos” do AVE Ourense-Santiago, debe comparecer no xulgado de Santiago o 27 de xullo, o mesmo día en que tamén están citados os dous peritos xudiciais cuxa discrepancia sobre a súa responsabilidade motivou unha pregunta do xuíz á UE. Cortabitarte xa comparecera en abril pero negárase a declarar.
Condenado o ex-concelleiro do PP de Moraña que insultou a Carmela Silva en Facebook. Unha xuíza considerara previamente “liberdade de expresión” chamar “mala zorra” á presidenta socialista da Deputación de Pontevedra, pero reaberto o caso agora Jorge Caldas e outro acusado son condenados por maltrato á autoridade.
En 2018 o Día das Letras será festivo pero empresas e traballadores deben decidir como recuperalo. O Consello da Xunta valida o calendario laboral para o próximo ano, que terá 13 festivos á marxe dos dous que deciden os concellos. Ao ser un máis do permitido por lei, en cada empresa decidirase como compensar esas horas, como xa sucedeu en 2000, 2001 ou 2007.
O Goberno de España anuncia un límite de déficit máis alto para as autonomías dous días despois de fixar o obxectivo. Montoro faino en plena procura de apoios para o teito de gasto dos Orzamentos do Estado para 2018.
Sindicatos e patronal de autobuses denuncian que a Xunta desconvocou esta tarde unha xuntanza a tres bandas "con 20 minutos" de antelación. Na sexta xornada de folga as centrais sindicais advirten de que a "prepotencia do Goberno" cando comezaba a haber "avances" aboca o sector ao "caos" e as empresas censuran as "dúbidas e falsidades" da Consellería, que os volveu convocar para este xoves.
O PSdeG insta a Xunta a imitar "en toda Galicia" o proxecto de Ames con árbores autóctonas resistentes aos incendios . Leiceaga lanzou esta petición durante unha visita ao municipio, cuxo goberno local fomentou a plantación dun milleiro de exemplares de castiñeiros, carballos, sabugueiros ou oliveiras para previr a expansión do lume.
Caballero sobre Cataluña: “Os concellos non imos cooperar cun referendo manifestamente ilegal”. O alcalde de Vigo e presidente da Federación Española de Municipios e Provincias (FEMP) tamén lamenta, tras participar nunha reunión da executiva federal do PSOE, que o Goberno non deixa que os concellos empreguen o seu superavit: “Temos 7.000 millóns de euros e queremos utilizalos en xerar emprego e levar a cabo políticas sociais”.
A Eurocámara aproba o acordo de cooperación con Cuba que pon fin á posición comunitaria impulsada polo Goberno de Aznar. Velaquí os detalles do relatorio que ao que Parlamento Europeo vén de dar luz verde por 567 a prol fronte a 65 en contra e 31 abstencións.
A folga dos buses vive este mércores a súa sexta xornada cun novo seguimento masivo. Sindicatos e Xunta dunha banda, e sindicatos e patronal doutra, avanzan en acordos por escrito pero a folga vén de ser ampliada a todos os días da semana a partir do próximo martes.