Os controis fronteirizos entre Tui e Valença por mor da visita do Papa provocan atascos de en torno a unha hora. Está a contalo Faro de Vigo. Imaxe da Dirección Xeral de Tráfico.
Fálase
-
A deputada ourensá do PSOE Rocío de Frutos anuncia que deixará o partido se Susana Díaz gaña as primarias. De Frutos foi unha das parlamentarias que se desmarcou da abstención na investidura de Mariano Rajoy. Avanzou esa decisión durante unha entrevista na Radio Galega.
Entre setembro de 2015 e decembro de 2016, 388 persoas morreron cando intentaban chegar a España en patera, segundo un informe da ONG Caminando Fronteras; 122 eran menores. Ademais, houbo 700 persoas feridas de gravidade e 600 devolucións en quente. A entidade denuncia que os e as náufragas nunca foron tratadas como vítimas, non se aplicaron os protocolos de rescate correspondentes e primaron sempre os de control de fronteiras e estranxeiría.
Mantense a confusión sobre o peche de fronteiras en Portugal. O Goberno luso desmentiu nun comezo a España sobre o nivel das restricións pero este martes pola tarde confirmaba que só os pasos de Tui e Verín estarían abertos para todos os viaxeiros, mentres que o resto se reservarían a traballadores locais e residentes.
Detido outro oficial do Exército alemán por preparar un atentado para culpar os refuxiados. É o terceiro detido por este motivo no seo do exército, no que se segue investugado esta célula terrorista de extrema dereita.
A Fiscalía sospeita de Interior no chivatazo a Ignacio González e destaca "a gravidade" do encontro do número dous do Ministerio, José Antonio Nieto, co irmán do expresidente madrileño. Nieto dirixiuse á Fiscalía para pedir que aclare estas acusacións.
Trump destitúe o director do FBI, James Comey, xusto cando a axencia mantén unha investigación sobre a presunta relación co Goberno ruso de varias persoas próximas ao presidente estadounidense
Abanca obtivo un beneficio neto de 153 millóns de euros no primeiro trimestre, o duplo que no mesmo período do ano anterior. A entidade resultante da compra de Novagalicia Banco xa rematara 2016 cunhas ganancias superiores aos 330 millóns de euros.
O CIS mantén o PP como primeira forza en estimación de voto en eleccións xerais cun 31,5%, seguido de PSOE e Unidos Podemos e mais as súas confluencias, situados nun empate técnico un chisco por baixo do 20%. Recólleo eldiario.es
Atopan o cadáver dun neno de 11 anos en Oza-Cesuras. A nai do meniño denunciara a súa desaparición tras non regresar á hora pactada co pai. Está a contalo a TVG