O Goberno central quere levar o “só si é si” á reforma do Código Penal sobre delitos sexuais. A vicepresidenta e ministra de Igualdade, Carmen Calvo, avanza no Congreso as súas liñas de actuación na materia, que pasan por devolver competencias aos Concellos.
Boris Johnson dimite como ministro de Exteriores do Reino Unido. A marcha do ex-alcalde de Londres, un dos máis firmes defensores do Brexit, é a segunda baixa no gabinete de Theresa May en menos de 24 horas e debilita aínda máis a posición política da primeira ministra.
Sánchez e Torra acordan reactivar as comisións bilaterais entre o Goberno de España e a Generalitat de Catalunya. É un dos asuntos abordados na xuntanza deste luns, da que ofreceu conclusións a vicepresidenta Carmen Calvo, quen resaltou que o Executivo socialista non admitirá a autodeterminación catalá. O presidente catalán agradece que na xuntanza falasen "de todo" malia ás súas afastadas posturas.
O presidente da Generalitat catalá, Joaquim Torra, viaxa xa cara a Madrid para reunirse con Pedro Sánchez. É a primeira xuntanza do titular do Executivo catalán co presidente do Goberno de España dende 2016. (Imaxe de TV3)
Dimite o ministro británico para o Brexit, David Davis, e acrecenta a crise interna do goberno de Theresa May
Un xuíz de segunda instancia revoga ás poucas horas a decisión doutro maxistrado de poñer en liberdade a Lula, que está na cadea desde abril.
As vítimas inician este martes as comparecencias na comisión de investigación política sobre Angrois creada no Congreso despois de que PP e PSOE impuxesen a súa orde de intervencións por riba do que reclamaban os afectados. O mércores están citados o maquinista do tren e o interventor cuxa chamada telefónica o despistou.
A Autovía do Cantábrico estivo novamente pechada por néboa entre Abadín e Mondoñedo 21 horas desde a tarde deste sábado. A falta de visibilidade non terá solución ata polo menos 2020, seis anos despois da inauguración dese treito da A-8.
Este domingo rematan os actos do Asalto ao Castelo de Vimianzo, festa que este sábado viviu o seu día grande. Praza.gal colabora un ano máis coa celebración.
“Mesquindade” ou “patraña” son algunhas das respostas dos Franco ao Concello de Santiago tras reclamarlles as estatuas do Mestre Mateo. Os herdeiros aseguran ante o xulgado que estuda o caso que as figuras foron mercadas a un anticuario, avanza Europa Press na súa web.
