Máis dun cento de persoas manifestáronse este sábado en Santiago por unha lei de identidade de xénero. Arelas (Asociación de familias de menores trans), Amizando (colectivo trans adulto) e Ultreia LGTBI convocaron a marcha co lema "Que non te enganen, a diversidade existe".
Varios lumes queiman preto de cen hectáreas en Lugo e Ourense, un deles no Xurés logo de entrar en Galicia desde Portugal.
A selección galega feminina de fútbol gaélico empata con Francia 5-13 (28) / 5-13 (28) e a masculina perde 2-11 (17) / 7-29 (50). Foi a primeira vez que un encontro se retransmite en directo pola TVG.
“Ten que ser difícil gobernar sen maiorías, eu non sei facelo”, dille Feijóo a Cifuentes, afirmación que el mesmo cualifica como “sobrada”. O galego, que consideraba que os gobernos en minoría restaban solidez á democracia, participou este sábado no congreso no que se elixiu a nova presidenta do PP de Madrid.
O Goberno di que non pechou “ningún acordo para a venda de buques militares” a Arabia Saudita, en referencia ás cinco corvetas que prevé construír Navantia, dúas delas en Ferrol.
O Igape defende agora a “racionalización actual” dos seus apoios ás firmas galegas logo de perder 80 millóns de euros en avais a 30 empresas.
Xesús Alonso Montero conclúe o seu mandato como presidente da RAG. Tras certificalo ante o Plenario vén de asumir a presidencia "interinamente" o secretario, Henrique Monteagudo, que porá en marcha "o proceso electoral" para a elección da nova executiva, que estatutariamente non pode durar "máis de tres meses", segundo informa a Academia.
O Goberno central admite agora que pode desbloquear as oposicións do ensino á marxe dos Orzamentos, ao contrario do que veu mantendo o PP nas últimas semanas. Avánzao a axencia Europa Press e recólleo Faro de Vigo
A declaración do ex-xefe de Adif imputado polo accidente de Angrois adíase do 23 de marzo ao 4 de abril, ás 10.30 horas. O xuíz acepta a petición formulada polo seu avogado por motivos médicos.
O Goberno de Portugal abre o concurso para a electrificación da liña ferroviaria entre Viana do Castelo e Valença. Con este treito está xa en marcha toda a modernización dos tramos portugueses do traxecto Porto-Vigo, que Infraestruturas de Portugal prevé ter rematada e 2019. O Executivo portugués considera a modernización da Linha do Minho como "de extrema importancia".
