Ciudadanos e PSOE apoiarán a Rajoy se hai que reactivar o artigo 155 en Cataluña, destaca El Mundo na súa portada. El Periódico destaca que "Rajoy ratifícase na vía penal a pesar do revés do 21D"
Fálase
-
O éxito do independentismo nas eleccións fai máis difícil que o rei Felipe VI repita esta noite a dureza do seu discurso do 3 de outubro. TV3 non emitirá por segundo ano consecutivo a intervención do monarca pola súa primeira canle
O Celta leva o derbi galego cunha contundente vitoria (1-3) en Riazor. Wass (3') e Aspas (39' e 53') marcaron para os celestes e Andone (59') recurtou distancias para o Deportivo. O Celta chega aos 21 puntos, mentres que o Dépor fica con 15, en postos de descenso.
O 18,8% dos galegos e galegas en situación de dependencia seguen sen recibir atención, segundo os datos do Ministerio de Sanidade, Servizos Sociais e Igualdade
Os xulgados de Cangas investigan a morte dun traballador producida nas obras da Ponte de Rande na AP9 e agardan un informe da Fiscalía
O PP denuncia a ABC ante a Xunta Electoral Central pola publicación dunha entrevista a Inés Arrimadas na xornada de reflexión das eleccións catalás. A pena podería ir dende unha multa ata responsabilidades penais para o director da cabeceira, Bieito Rubido. O xornal cre que a denuncia se debe aos "nervios" no Partido Popular tralos seus nefastos resultados do xoves.
A alcaldesa de Lugo, Lara Méndez, ocupa dende onte a presidencia do PSOE na provincia. Mar Iglesias, de Guitiriz, é a nova secretaria de Organización da formación, que este venres celebrou o seu terceiro congreso lucense. O encontro serviu tamén para confirmar a Álvaro Santos como secretario provincial, trala súa vitoria nas primarias celebradas hai unhas semanas.
Puigdemont planea quedar indefinidamente en Bélxica e buscar fórmulas de delegar a presidencia, destaca eldiario.es na súa portada, na que sinala que o president cesado tentará primeiro un acordo con Rajoy para volver ser investido evitando entrar en prisión a cambio de renunciar á vía unilateral
Ás 18.30 comezará en Riazor o Dépor-Celta. Celebramos #ONosoDerbi pedíndolles á celtista Carmen Méndez e ao deportivista Xosé A. Touriñán que nos digan como viven este día. Ademais, imos quentando motores lembrando os 12 mellores derbis da historia e tamén unha ducia de xogadores que vestiron as cores dos dous equipos. E, ademais, viaxamos ata Vilalba (onte noticia polo Gordo), onde están as sedes das dúas peñas máis antigas de celestes e branquiazuis. Podes ver aquí o vídeo que gravamos con eles hai uns anos.
A Deputación da Coruña tamén aproba unha moción contra a mina de Touro cos votos favorables do BNG, Marea Altlántica, Compostela Aberta e Alternativa dos Veciños e a abstención de PSOE e PP.
