Antón Lopo gaña a VI edición do Premio de Poesía Manuel Lueiro Rey, que organiza o Concello de Fornelos de Montes xunto á asociación vecñan O Cruceiro da Laxe.
Fálase
-
O V Foro Radio Coruña debateu este martes, coa participación de Praza Pública, sobre a información local e o futuro dos medios de comunicación. O encontro foi tamén homenaxe a Ángel Gómez Hervada, director da emisora coruñesa falecido recentemente.
A curtametraxe galega Matria, do galego Álvaro Gago, gaña o gran premio do xurado no Festival de Sundance. O realizador galego concibiu este filme para "dar voz ás mulleres silenciadas que soportan e calan".
400 investigadores apoiarán a candidatura das Illas Atlánticas a converterse en Patrimonio da Humanidade nun evento científico que acollerá Vigo en xuño. O Ferrol da Ilustración e a Ribeira Sacra tamén optan á declaración da UNESCO
Este martes comezaron no Porriño os traballos para detectar a presenza de lindano no lugar de O Contrasto. Nesta primeira pescuda realizaranse 25 ou 30 catas nun camiño no que hai "evidencias claras da presenza" deste insecticida tóxico. Colectivos veciñais pediron nas últimas semanas unha investigación decidida no Porriño e Mos para localizar as zonas contaminadas
A vespa velutina foi a causa do 20% das incidencias xestionadas polo 112 en 2017, un total de 237.973. A presenza desta especie invasora, xunto con outras situacións relacionadas con animais non ficaron lonxe dos avisos por incendios e salvamento (30%) ou por asistencia sanitaria (28%)
O conselleiro de Cultura confirma que A derradeira leición do mestre "volverá á Arxentina" logo da súa exposición en Santiago porque "iso foi o acordado" co Centro Galicia. "O contrario sería faltarlles ao respecto aos galegos que viven alí", asegurou Román Rodríguez sobre a emblemática pintura de Castelao no programa Con Vós que se emite en Bos Aires para a emigración galega (a partir do minuto 32).
Xunta e Fomento acordan subir aínda máis as peaxes en toda a AP-9 a cambio de suprimir o cobro aos tráficos de Redondela. AMPLIAMOS AQUÍ A INFORMACIÓN.
O filme chileno Una mujer fantástica, con banda sonora do galego Nani García, optará ao Oscar á mellor película estranxeira. O compositor coruñés é un dos dous autores da música da fita, dirixida por Sebastián Lelio.
O Goberno central inicia no BOE a legalización do gasoduto da Mariña, en servizo desde 2015 pero cuxa autorización anulou en decembro o Tribunal Supremo por falta de planificación. Cando o autorizou en 2013 o Executivo non esixira un “compromiso expreso de consumo” a Gas Natural, como obriga a lei. O recurso xudicial por esa falta de planificación fora presentado polo Concello de Barreiros, cuxo urbanismo tamén creceu sen planificar.
