As xuntanzas de Feijóo co presidente de Portugal e mais co ministro das Infraestruturas do país veciño constatan os plans do Goberno portugués para modernizar o seu treito da liña ferroviaria do Porto a Vigo, en marcha dende 2016. Para que a conexión modernizada poida estar operativa o ano que vén é clave a execución da electrificación das vías en Tui, competencia do Adif. Na imaxe, o presidente da Xunta con Marcelo Rebelo de Sousa.
Este martes fanse 12 anos do accidente do metro de Valencia no que morreron 43 persoas. O sinistro tivo varias semellanzas co que sete anos máis tarde deixaría 80 falecidos na curva de Angrois e que facían aínda máis evitable o de Santiago.
As inscricións nas oficinas de emprego descenderon en 6.631 no mes de xuño en Galicia, ata as 170.065; son 19.600 persoas menos na lista do paro rexistrado que hai un ano. No mesmo período a afiliación media á seguridade social incrementouse en 8.408 persoas e volve superar o millón de persoas, con 26.622 afiliacións máis que hai doce meses. Máis información, hoxe en Praza.
Oriol Junqueras, Carme Forcadell, Jordi Sànchez e Jordi Cuixart, entre o primeiro grupo de presos independentistas cataláns que serán trasladados a cárceres de Catalunya de xeito inminente. Estes líderes políticos están en prisión provisional e non pesa ningunha condena sobre eles.
O PP pregunta formalmente ao Goberno central no Congreso se as lentes de sol que portaba Pedro Sánchez en varias fotografías "son graduadas". A iniciativa do deputado Carlos Floriano, que avanzou a xornalista María Pérez Laya a través da súa conta de Twitter, recóllena a axencia EFE e eldiario.es
Feijóo reúnese este martes en Lisboa co presidente de Portugal, Marcelo Rebelo de Sousa. Antes, este luns, Pedro Sánchez mantén un encontro co primeiro ministro, António Costa, tamén na capital portuguesa.
O xornalista Andrés Gil confirma a súa renuncia á posibilidade de optar á presidencia de RTVE. Detállao neste artigo en eldiario.es
Andrés Manuel López Obrador gaña as eleccións en México e leva a esquerda ao poder no país por primeira vez. "Primeiro, os pobres", proclamou o novo presidente mexicano, quen situou a "erradicación da corrupción" como prioridade.
4gotas destaca que a intensidade da chuvia caída este sábado na Coruña (28 l/m2 nunha hora e 20 l/m2 en media hora) foi a máis alta dende, cando menos, 2007. Acompaña a información dun gráfico no que compara a tromba de onte cos meirandes episodios de chuvia intensa dos últimos
México celebra este domingo eleccións presidenciais, co esquerdista Andrés Manuel López Obrador situado como gran favorito para obter a vitoria, amosando as últimas sondaxes publicadas unha diferenza ao seu favor de entre 14 e 32 puntos sobre os candidatos de PRI e PAN. Os primeiros resultados coñeceranse durante a madrugada
