O emprego foi a prioridade manifestada pola maioría das 55.000 persoas que realizaron achegas aos orzamentos participativos da Deputación de Lugo. As infraestruturas e as políticas sociais son as outras dúas áreas máis reclamadas.
Fálase
-
O xuíz Vázquez Taín presenta un libro sobre a desaparición dunha rapaza no primeiro aniversario do presunto asasinato da nena compostelá Asunta Basterra. Na novela o maxistrado utiliza nomes reais de investigadores. Recólleo El País
A Deputación da Coruña destinou case 50.000 euros a carteis publicitarios da Vuelta Ciclista a España, segundo recolle este luns o Boletín Oficial da Provincia. A Xunta puxo 300.000 euros para a derradeira tirada da carreira, celebrada en Santiago.
Curtocircuíto dedicaralle ao novo director portugués Gabriel Abrantes a segunda das súas restrospectivas. Será na sección Pulsar, dedicada aos realizadores emerxentes.
Apple vendeu dez millóns de unidades do iPhone 6 na súa primeira fin de semana nas tendas, mellorando o lanzamento do iPhone5, que distribuíra nove millóns no mesmo prazo.
Pablo Iglesias aposta por que Podemos non se presente ás municipais e apoie plataformas cidadás como as mareas ou Ganemos. O núcleo forte da formación si quere que a organización concorra ás autonómicas.
Mallandroid, o medio galego de referencia sobre Android, lanza un plan de micromecenado para pedir a colaboración económica da súa audiencia. Pódese colaborar con eles dende 3 euros. Na súa web explican como facelo
O presidente da RAG defende a homenaxe a Filgueira Valverde no Día das Letras porque "non era falanxista nin tecnicamente franquista". Alonso Montero afírmao nunha entrevista con El País
Coincidindo co Celta-Dépor que este martes se xoga en Balaídos, a Oficina Dereitos Sociais - Coia realizará preto do estadio unha recollida de sinaturas da ILP pola Renda Básica. "Estamos cansas de escoitar que non hai cartos para cubrir as necesidades básicas das persoas", din, e lembran as cantidades dedicadas a pagar as débedas dos clubes ou a construción de novos estadios
Nicolas Sarkozy afirma que regresa á primeira liña da política francesa como vía pra frear a Fronte Nacional de Marine Le Pen
