Os populares botaron abaixo unha proposición non de lei do PSdeG-PSOE para analizar as razóns polas que fracasaron os controis establecidos polo Goberno galego e para poñer en marcha medidas máis eficaces. Medio Rural só se comprometeu a informar na cámara sobre o estado actual do avance da couza guatemalteca na Costa da Morte.
A Xunta aprobou este xoves o Pladiga, que condensa a súa política de defensa contra os incendios, que apenas muda. Medio Rural só destaca que "por primeira vez" se cubrirán todas as vacantes do dispositivo e que contempla a posibilidade de ampliar o seu tempo de traballo. Ademais, estende ata finais de outubro a tempada de alto risco.
Este sábado terá lugar a II Marcha pola Memoria, que fará fincapé no papel desenvolvido polo crego na loita contra a ocupación de terras por parte de Unión Fenosa en 1977. O pasado ano 300 persoas participaron nos actos, que comezarán ás 11 horas en Pontoxo (Cerceda)
O PP modificou en decembro a lei, facilitando a incorporación ao Banco de Terras daqueles montes que a Xunta determine que se atopan "en desuso" e coa posibilidade de seren posteriormente cedidos a empresas privadas
Este venres é o aniversario da matanza de Colniza, na que paramilitares acabaron coa vida de nove sem terra. O PSdeG-PSOE presentou unha pregunta parlamentaria -que debería ter sido respondida hoxe- sobre o desembarco en Vigo de madeira relacionada con estes feitos. O aprazamanto "cheira a queimado" para os socialistas
Máis dunha ducia de manifestacións percorren vilas e cidades do país en rexeitamento da Lomce e por unha Lei Galega de Educación e reclamando un ensino "público, de calidade" e libre de machismo.
O pasado luns suprimíronse máis dunha ducia de traxectos do FEVE da costa norte galega, que sufriu máis de 900 cancelacións en 2017 e segue a esmorecer entre avarías, atrasos e escaso investimento. A plataforma pola defensa da liña denuncia unha "desastrosa xestión" que cre "premeditada".
A central galega, ELA, LAB e Intersindical-CSC denuncian en Compostela a "criminalización" e "persecución" que din sofrer e piden a fin da "represión" en Catalunya.
O tribunal contencioso-administrativo da cidade desestima o recurso presentado pola empresa organizadora do espectáculo, baseado no carácter de "patrimonio cultural" outorgado polo Goberno central ás corridas. O xuíz determina que a autonomía local debe estar por riba desa pretendida defensa da tauromaquia
