A entidade presenta o informe anula da 'Liña do galego'. Google, Ikea, Abanca, Movistar, Banco Santander e El Corte Inglés son as empresas que recibiron un maior número de reclamacións.
Partidos da oposición, entidades ecoloxistas e animalistas e o Goberno provincial de Pontevedra posiciónanse contra a celebración da batida, prevista para este sábado en Cerdedo-Cotobade, Campo Lameiro, Forcarei e A Estrada. "No século XXI, as cazarías non poden ser asumidas por unha sociedade que respecta os animais", sinala Carmela Silva, presidenta da Deputación
VÍDEO | Este xoves inaugurouse na Coruña unha placa na casa natal do Cura das Encrobas, finado o 1 de febreiro de 1993. No acto de homenaxe, Ramón Muñiz (presidente da Irmandade Moncho Valcarce), destacou que "para el, dende a súa fe, a resignación non era unha opción".
Son 70 menos que en 2016 e representan o 2,1% do total. Tamén son minoría (só 132) os varóns que solicitaron unha excedencia. Iso si, 12.972 homes (un 10% máis que en 2016) accederon en Galicia ao novo permiso de paternidade, de 4 semanas, a pesar de que o número de nacementos foi menor
"Falan de achegar a sanidade ao paciente, pero están a achegala á privatización", denuncia Óscar Carrete, concelleiro de Caurel Vivo, que subliña que unha e outra vez se reproduce o mesmo problema cada vez que algún dos sanitarios colle días de vacacións ou está de baixa.
Down Galicia deixará de recibir 176 mil euros, necesarios para prestar servizos de inserción laboral, inclusión escolar ou de fomento da vida independente. Delmiro Prieto, presidente da entidade, salienta que aínda están a estudar os efectos da redución de fondos, que obrigará a limitar os seus servizos.
Piden a Fomento medidas contra o ruído e prazos concretos para que a autoestrada agora ampliada que ven pasar xunto ás súas casas ademais poida serlles útil tamén a eles
REPORTAXE | Varios concellos da comarca de Ferrolterra están a celebrar o centenario dunha mobilización popular, labrega e obreira motivada polo incremento dos prezos dos produtos de primeira necesidade e que rematou con -cando menos- nove mortes e a intervención do exército.