Movementos sociais

Adega recorrerá o visto e prace do Goberno á futura mina pola "fraudulente caracterización" dos refugalllos, que evita un Plan de Emerxencia Exterior nas instalacións onde se acumulen.

Aumentan os expedientes previos ao desaloxo, malia que descende un pouco o número de desafiuzamentos, que marca un record no conxunto do Estado, con case 50.000 nos nove primeiros meses de 2012.

O colectivo anticípase ao acordo entre AUDASA e o Ministerio de Fomento para rebaixar o prezo para un grupo de usuarios e advirte que ese desconto "o pagaremos o resto dos galegos" mediante impostos ou mediante o encarecemento do resto da AP9.

O 28 de decembro Compostela, Lugo e Ferrol acollerán marchas esixindo a paralización das execucións e a posta en marcha da dación en pago retroactiva e dun parque de alugueiro social. Tamén se demandarán "responsabilidades xudiciais e políticas" aos responsables desta situación.

Presentouse o Espazo Parlamentar pola Defensa dos Animais, no que participan representantes dos tres partidos da oposición. Buscarán a reforma da Lei de protección animal, que data de 1993, e loitarán contra “a explotación animal como espectáculo” en circos ou acuarios.

A SGHN continúa debullando as características do proxecto mineiro de Corcoesto. Nesta ocasión céntrase nos refugallos e substancias nocivas que a extracción do mineral deixaría na zona.

A figura foi depositada ás 3.30 da madrugada nun caixeiro de Compostela "como tantos outros cidadáns e cidadás anónimas". O colectivo afirma que "pronto a maioría social demandará unha sociedade igualitaria onde onde ninguén espertará sen casa, sen traballo, sen saúde, sen acceso ao ensino"

Distintas plataformas organizan marchas este 28 de decembro, día dos inocentes, en protesta polos desaloxos e na demanda de solucións coma a dación en pago ou a creación dun parque social de vivendas.

Os duros recortes aplicados polo PP afectan a todos os sectores. Durante este ano 2012, saíron á rúa sindicatos, traballadores e unha morea de indignados, pero tamén colectivos pouco afeitos á protesta que levantaron a súa voz ante as medidas de axuste. Colexios médicos ou avogados son o último exemplo.