O afectado, malia a todo, estuda demandar xudicialmente o Sergas polos danos e prexuízos causados. A Mesa lamenta que para poder exercer con normalidade dereitos lingüísticos básicos haxa antes que superar “as doce probas de Hércules”.
Colectivos sociais da Coruña como Democracia Real Xa, a Asociación Sen Papeis, os traballadores despedidos da Torre, así como sindicatos minoritarios e as asembleas 15M da comarca, organízanse para promover de forma autónoma a folga xeral do 29 de marzo.
Non son tantas as enfermidades ás que se lles pode documentar unha estreita relación coa historia da propia humanidade. A tuberculose é unha delas, unha doenza antiga, coñecida, e con tratamento, pero que significa aínda, a día de hoxe, a segunda causa de morte no mundo. Non é casualidade: dos ao redor de 12 millóns de persoas infectados polo bacilo de Koch, menos do 5% accede a un diagnóstico adecuado e só un 10% a un tratamento. As cifras poden ser moi inferiores.
Lanzará unha campaña de recollida de sinaturas co fin de reclamar no Concello de Santiago a anulación do convenio urbanístico en tramitación, que se unirá ás máis de 300 alegacións presentadas ao plan de Raxoi. O mércores 28 o CGAC acollerá unha mesa redonda sobre as intervencións no casco histórico, organizada polo COAG e o Observatorio Galego da Paisaxe
O gañador, que se coñecerá o 26 de abril, sairá dos votos dos afiliados e afiliadas ao Colexio de Xornalistas de Galicia, e dos sociaos e socias co Clube de Prensa de Ferrol, organizadores do premio.
Na primeira xornada do xuízo contra os oito mariñeiros ferroláns acusados de bloquear a entrada do Galicia Spirit en 2007, a maior parte asumiu a súa participación nas mobilizacións, pero negaron que os actos estivesen liderados pola Confraría e sinalaron que moita xente se manifestou no mar ese día. O xuízo continuará os días 26 e 28.
Oposición, mulleres e profesionais médicos defenden a actual lei de prazos na interrupción voluntaria do embarazo, ao considerar que defende a autonomía da muller para decidir se ser nai ou non e que podemos encamiñar cara a unha maternidade forzosa.
O anteproxecto remitido polo Goberno á CNC dispón que "as comunidades autónomas determinarán os modos de xestión do servizo público de comunicación audiovisual, que pode consistir na xestión directa, na xestión indirecta ou en diferentes instrumentos de colaboración público-privada". Así mesmo, a lei será reformada de maneira que as televisións públicas, tanto autonómicas como estatai poidan subcontratar a produción dos informativos
O xornal soberanista, que chega cada mes a máis de 800 subscritores, celebra a súa primeira década de traballo cunha festa no Avante de Santiago de Compostela e coa vista posta no futuro: seguir crecendo, seguir mellorando, co obxectivo de se converter en semanario e profesionalizar a súa redacción. Falamos co seu director, Carlos Barros.
