Non contou cunha campaña de publicidade, nin visibilidade institucional e nin sequera conta cun nome comercial, pero o proxecto Oxlajuj Tz’ikin é unha das xoias da cooperación para o desenvolvemento en Galicia. Un programa integral en Guatemala que é posible que non se poida volver repetir tras os recortes orzamentarios estatais e autonómicos nas partidas para Cooperación.
Praza estivo nas Fragas do Eume cando xa pasara o peor do lume e falamos con veciños e activistas. Por que se queimaron? Quen son os responsables? Que se debe facer para recuperalas? A Plataforma para a Defensa das Fragas crea unha lista de voluntarios e voluntarias para colaborar coa administración e os propietarios nas labores inmediatas conducentes a minimizar e paliar no posible os efectos do lume e este mércores entregaralle ao director do Parque Natural un documento con oito reivindicacións concretas para a Xunta.
A produtora audiovisual Sinergy Project lanza un documental na rede, Hellas Hell, para denunciar a situación dos refuxiados en territorio heleno.
Case un milleiro de persoas participaron este luns nunha asemblea cidadá para constituír a Plataforma para a Defensa das Fragas do Eume. Foron moitos os cidadáns, membros de colectivos ou a título individual, que quixeron compartir as súas preocupacións e a súa opinión sobre o sucedido, sobre os responsables da catástrofe e as posibles solucións.
A Federación Galega de Enfermidades Raras e Crónicas organiza unha maratón na Coruña o vindeiro 15 de abril e puxo en marcha unha iniciativa de crowdfunding para recadar cen euros por cada un dos 42 kilómetros. Un total, queren obter 4.200 para mellorar a actividade asistencial ás persoas que sofren lupus, esclerose lateral amiotrófica, ataxia, fibrosis quística, linfedema, retinose pigmentaria, Arnold-Chiari e esclerose múltiple. Os mesmos 4.200 euros nos que, denuncian, se recortaron as subvencións públicas que recibían.
Unhas 800 persoas concentráronse este luns diante do Concello de Pontedeume para conformar a Plataforma para a Defensa das Fragas do Eume e en en protesta pola xestión do incendio que arrasou unha parte deste bosque atlántico. Nas sete cidades galegas e en moitas vilas tamén houbo concentracións, nas que se demandou unha nova xestión forestal e dimisións políticas. Galería no interior
Adega, SGHN e Verdegaia rexeitan as teorías conspiradoras, insisten na escaseza de medios e censuran a "falta de transparencia" do Goberno galego arredor do parque natural. "Non sabemos nin cantos propietarios hai, nin canta xente vive, nin canta xente traballa no seu coidado; non temos nin unha cartografía detallada da zona", explican.
Os tres colectivos sinalan como causas a ausencia dun programa forestal no parque natural -o que permitiu a extensión dos eucaliptais na zona-, a redución do caudal do Eume -utilizado para encher a lagoa artificial das Pontes-, e a redución do investimento da Xunta nas políticas de prevención e no persoal encargado de coidar os espazos naturais. Ás 20 horas constituirase en Pontedeume unha plataforma cidadá, e ás 20.30 están convocadas concentracións en todas as cidades.
A Comisión Episcopal de Doctrina de la Fe, herdeira contemporánea do Santo Oficio, insta o teólogo galego a "clarificar o seu pensamento" para "evitar" que as súas reflexións causen "confusión no pobo de Deus"
