Movementos sociais
-
"Estamos pagando o gas máis caro para encherlles os petos a algúns, para compensar o déficit de Reganosa"
Manuel Rodríguez Carballeira, Lalán, coordinador do Comité Cidadán de Emerxencia para a Ría de Ferrol, denuncia que case cinco anos despois da entrada en funcionamento de Reganosa, "demostrouse que é unha instalación ilegal e perigosa, ademais de deficitaria e innecesaria". Así mesmo, denuncia a "complicidade entre a empresa e a administración" e chama a atención sobre o xuízo contra un grupo de nove mariscadores, acusados de deter o Galicia Spirit en 2007, e que comezará a semana que vén: "A idea é botar os mariscadores da ría". Vídeo no interior.
Nemesio Barxa: "A acusación contra os oito mariñeiros é unha acción premeditada das forzas da orde e do propio xulgado”
O avogado ourensán defende seis dos oito mariscadores que a semana que vén serán xulgados por impedir a entrada dos dous primeiros gaseiros que pretendían deixar a súa carga en Reganosa, en maio de 2007. A pesar de que na acción participaron ducias de barcos e de que ao redor de 300 persoas se autoinculparon dos feitos, a Fiscalía concentrou as acusacións en nove persoas. Audio e galería de imaxes no interior.
Cándido Pazó: "Queren baleirar de contido os medios públicos para xustificar a súa privatización"
Presentouse a Plataforma Cidadá en Defensa da Radiotelevisión Pública Galega, composta por colectivos políticos, sindicais, culturais e en defensa da lingua, con Cándido Pazó e Lola Ferreiro como voceiros. Lanzan un manifesto que denuncia que a recente modificación da Lei sobre a CRTVG abre a porta a unha privatización encuberta do medio. Audio no interior.
Unha mina pon en perigo a Cova Eirós, un dos maiores xacementos arqueolóxicos de Galicia
A Cova Eirós, en Triacastela, é a única de Galicia na que se atoparon, ao tempo, restos de homo sapiens e neandertal. Está ameazada pola ampliación da canteira de Cementos Cosmos, autorizada en 2008. A Asociación Cultural do Iribio remitiu nas últimas semanas senllos escritos ás consellarías de Economía e Cultura, para que paralicen a actividade mineira e declaren a cova Ben de Interese Cultural.
“Feminismo é a unidade das mulleres para xuntas construír outro mundo posible"
Varios milleiros de persoas, homes e mulleres de todas as idades, participaron este domingo na manifestación unitaria Mulleres galegas en loita polos nosos dereitos. Nun ambiente de festa e reivindicación, denunciouse o proxecto do Goberno central de revisar a lei do aborto, retrocedendo trinta anos na lexislación e advertiuse de que as mulleres son as que máis sofren a crise económica. Vídeo no interior.
SOS Sanidade Pública: "O copagamento é un imposto á enfermidade que dificultará o acceso á atención sanitaria"
A Plataforma SOS Sanidade Pública comezou a principios do pasado mes de febreiro a promover unha Iniciativa Lexislativa Popular en defensa do Sistema Sanitario Público. En maio terán altamente superadas as 15.000 sinaturas de apoio necesarias para que se acepte a trámite, pero a actual maioría absoluta do PP no Parlamento galego ameaza con impedir que poida seguir adiante. Falamos con Manuel Martín, voceiro da plataforma.
Os dereitos das mulleres, reivindicados de forma unitaria e masiva
Milleiros de persoas participaron este domingo en Compostela na manifestación nacional convocada baixo o lema Mulleres galegas en loita polos nosos dereitos.
"O capital financeiro español aproveita as imposicións de Bruxelas para levar a cabo o seu programa"
Álvaro Rodríguez, coordinador do grupo local de Attac en Vigo, analiza o momento actual dos movementos sociais e da esquerda, despois de tres meses de goberno de Mariano Rajoy e a vinte días da folga xeral do 29 de marzo.
Só o 5% das labregas se xubilará coa pensión completa, fronte ao 80% dos labregos
“Non sabemos que pasará no agro, se as labregas galegas seguiremos a carecer de recoñecemento e de dereitos, sen un estatuto xurídico que os recolla, e cunha lei de cotitularidade sen desenvolver. Esa constitúe unha das reivindicacións do 8 de marzo deste ano”. A que fala é Lidia Senra, líder durante dezaoito anos do Sindicato Labrego Galego (SLG), un dos poucos que historicamente se comprometeu na visibilidade e defensa das campesiñas.
"Unha folga xeral non vai resolver todo, pero incorpora sectores novos, ensínalles que hai que estar unidos"
Rafael Pillado, un dos fundadores das CC.OO en Galicia e ex militante do PCG (do que chegou a ser secretario xeral) e do PSOE, presenta as súas memorias este venres en Ferrol. Unhas memorias colectivas, O Latexo da vida e da conciencia, prologadas por Manuel Rivas, que queren amosar a experiencia de loita no pasado para preparar as loitas do presente e do futuro. Vídeo no interior.
Touriñán: o paraíso que agarda pola colonización acuícola
“Non podemos regalar o territorio, non podemos facer nada que logo sexa irreversible. Non podemos entregar o máis definitorio de nós mesmos, unha das costas máis ricas, especiais e singulares do mundo”. Estas palabras expresadas por Manolo Rivas en 2005 resumían o sentir dun movemento que comezaba a agromar: o anti Plan Acuícola. Case sete anos despois, e tras unha longa travesía legal, a costa galega volve estar no punto de mira. E Touriñán como punta de lanza.