O Concello de Pontevedra remitiulle á Xunta un informe esixindo a paralización da tramitación do proxecto polo seu impacto visual, a falta de permisos para as verteduras á ría e a situación de ilegalidade na que se atopa a planta, denuncia. Este sábado terá lugar marcha contra a presenza de ENCE e Elnosa en Lourizán, convocada pola APDR
Entidades sociais como Ecos do Sur ou SOS Racismo impulsan o proxecto Ciberespect, con recomendacións para contrarrestar os argumentos xenófobos que en ocasións parecen monopolizar os debates. Apostan por responder rapidamente e xerar narrativas alternativas para chegar aos públicos non posicionados
Todos os municipios gobernados polo BNG e outros como A Coruña ou Compostela póñense a "disposición" das autoridades para recibir os migrantes que desembarcarán en Valencia tras a negativa de Italia e Malta a que a embarcación que os rescatou no mar atracase nas súas costas.
Mondoñedo e Lourenzá acollerán actos de recordo para a parella de loitadores antifascistas, que foron executados o 25 de xuño de 1948. O Concello de Ribadeo súmase á conmemoración. Trigo, alcumado 'O Gardarríos', foi presidente da Agrupación Socialista de Mondoñedo.
Nun informe feito público este martes, a entidade subliña que "o modelo actual de xestión de incendios baseado na extinción non resolve o problema. Céntrase nas causas que orixinan o lume, pero non nas que o propagan"
Unha concentración veciñal protestou esta mañá ante o Centro de Saúde de Coruxo, que dá servizo tamén a Saiáns, Oia e Comesaña. A xubilación da única especialista e a negativa do SERGAS a contratar unha persoas que a substitúa deixou xa sen atención a máis dun milleiro de nenos e nenas.
O informe sobre o galego na Universidade de Vigo advirte de que o fomento do idioma polos ensinantes multiplica o uso no alumnado. A mellora nas competencias non se traducen no uso cotiá dunha lingua que sofre aínda prexuízos: o 22% dos docentes cren que non é axeitada para a investigación.
Milleiros de persoas das comarcas afectadas pola mina de cobre do Pino e Touro ateigan o centro de Santiago e enchen a Praza do Obradoiro ao berro de "mina non" para esixir que a Xunta non autorice a reapertura da explotación, onde un accidente "sería peor que o Prestige"
Traballadores e traballadoras dos medios públicos galegos volven denunciar a manipulación informativa e a demandar a creación dun Consello de Informativos na súa terceira xornada de mobilización. A protesta na RTVE espera chegar á súa fin tras o cambio no Goberno central.
A empresa dirixida pola ex-conselleira Rocío Mosquera négase a realizar estas probas a pesar de que os aparellos que manexa son propiedade do SERGAS e o seu persoal é estatutario. A CIG denuncia que os criterios mercantís da compañía levan á realización de máis resonancias das necesarias, incrementando os ingresos de Galaria