Dirixentes e militantes do PSOE esíxenlle a Rubalcaba que a persoa que o suceda sexa elixida polo conxunto da militancia, ao xeito do acontecido en Galicia cando Besteiro chegou ao liderado tras unha votación que foi a última batalla de Pachi Vázquez dende a secretaría xeral.
Feijóo repróchalle ao BNG os argumentos ofrecidos pola Consellería de Sanidade en 2006 aínda que o seu Goberno a reproduciu case literalmente catro anos máis tarde. O Goberno galego pechará neste 2014 un 140% máis camas que a coalición de socialistas e nacionalistas.
Paula Quinteiro, candidata galega da nova formación, chama a aproveitar o "revulsivo das esquerdas" que supuxo a irrupción de Podemos e á confluencia de forzas. "Con AGE, pero sobre todo con Anova, compartimos nova cultura política e temos moitas coincidencias", di.
A esquerda parlamentaria batiu o PP nas eleccións europeas, que deixan no agregado das sete urbes un panorama no que a suma de AGE, Podemos e BNG aglutina máis apoios cidadáns que os conservadores ou os socialistas. Só en Lugo e Ourense os populares tiveron máis sufraxios que as forzas de esquerda rupturista e todos os electorados urbanos apoiaron máis ás opcións progresistas que á dereita.
Populares e socialistas céntranse no mal resultado do seu rival para sacarlle consecuencias positivas aos seus malos datos nas europeas, malia que din "tomar nota", e coinciden co BNG nas dúbidas sobre o futuro de Podemos, no que AGE ve unha oportunidade para unir forzas.
Xosé Luís Franco Grande ofreceu este luns unha conferencia no Ateneo de Santiago titulada Repensar Galicia en Europa, na que reivindicou o federalismo como solución máis axeitada para a inserción de Galicia en España e no continente.
Adrián Varela, imputado na Pokémon, abandona a Concellaría de Deportes da capital galega antes de coñecer a sentenza xudicial dos seus compañeiros, acusados de prevaricar por aprobar pagarlle o avogado sen axustarse á legalidade, segundo a Fiscalía.
O inesperado éxito da formación varía de novo o panorama político en Galicia pero tamén o dun movemento sen case estrutura no país que recoñece da "complexidade" do futuro e que chama á "confluencia" da esquerda para acabar de vez co bipartidismo PP-PSOE.
Os pouco máis de 350.000 votos colleitados polos conservadores o 25-M achéganse ao seu chan electoral no país, onde non baixaran do medio millón dende a súa fundación en 1989. PSdeG e BNG acumulan caídas reiteradas dende as municipais de 2011
