Un bo número de galegos e galegas optaron por alternativas distintas a PP, PSOE, AGE, Podemos ou BNG, en concreto un 16,35% do total, ou 191.400 persoas. Nalgúns casos, coma UPyD, C'S, Pacma ou CxG, con resultados importantes nalgúns concellos.
Unha extrapolación dos resultados dos comicios deste domingo deixaría os populares sen maioría absoluta, con 35 deputados co actual sistema electoral e con 29 (de 61) na reforma proposta polo partido de goberno. A suma de PSdeG-PSOE, AGE, PODEMOS e BNG superaría en escanos o PP.
O presidente da Xunta recoñece o golpe ao bipartidismo pero presume de manter vantaxe sobre os socialistas. Besteiro valora "o xiro á esquerda en Galicia", Alternativa pide "seguir xuntando voces" e o Bloque cualifica de "fantásticos" os seus resultados.
O PP gaña nas sete cidades, pero con perdas moi importantes con respecto a 2009, que tamén sofre o PSdeG-PSOE. Podemos rolda o dez por cento dos apoios nas urbes e supera o BNG en todas agás Pontevedra. AGE perde apoios con respecto ás autonómicas de 2012. En conxunto, as tres forzas roldan o trinta por cento.
PP e PSdeG caen en máis de 400.000 votos nunhas eleccións europeas nas que irrompe con forza Podemos, que se sitúa como cuarta forza política no país. A suma da esquerda supera con clara vantaxe a dereita tras un duro golpe ao bipartidismo, tanto a nivel galego coma no conxunto do Estado, onde perde cinco millóns de votos.
Os populares celebran que o mantemento do mesmo nivel de abstención de 2009 "lexitima os resultados". O PSdeG denunciará "irregularidades" e "carretaxe de votos" ante a Xunta Electoral de Lugo
As principais candidaturas pechan na Coruña, Santiago, Ourense e Vigo a fría campaña das europeas, salferida de polémicas, con chamadas ao voto e un ollo posto na augurada baixa participación.
O presidente da Xunta equipara a situación de Paula Prado con Besteiro e co BNG, que vén de acreditar que o ingreso de 6.000 euros atribuído a Véndex por Vixilancia Aduaneira foi realizado realmente pola propia organización política.
Vixilancia Aduaneira cre que o xefe de Véndex intercambiaba "recomendacións" por concesión de servizos públicos no Concello da Coruña co anterior e co actual goberno municipal. O alcalde coruñés asegura que as acusacións contra el son "absolutamente falsas".
