Feijóo pasa fóra de Galicia a maior parte da segunda semana de campaña mentres a súa voceira, en silencio dende a aparición dun informe sobre ela no sumario da Pokémon, protagoniza actos de baixo perfil.
A UE e os Estados Unidos negocian un acordo que provocaría a converxencia regulatoria co modelo noretamericano e que, segundo os críticos, "entregará a agricultura e Galicia ás multinacionais", principais beneficiarias do pacto.
Visto para sentenza o xuízo contra os sete edís de Compostela que decidiron pagar con fondos públicos o avogado dun imputado na Pokémon sen as garantías legais suficientes, segundo a Fiscalía. O Ministerio público mantén a petición de nove anos de inhabilitación e o alcalde ve "demostrada" a "inocencia" dos seus.
Avoga por que os dous grandes partidos comecen "concertando" políticas no ámbito sanitario e propón que o ex presidente do Goberno central, Felipe González, presida este proxecto.
"Á hora de defender os intereses galegos, tanto monta, monta tanto, Arias Cañete como José Blanco", asegura a candidata do BNG, que cargou contra o ex ministro de Fomento e a súa sucesora, Ana Pastor, por "deixar fóra Lugo e Monforte" do tren de alta velocidade.
O presidente da Xunta pide que en Europa non representen a Galicia "nin os amigos" da esquerda abertzale nin os de Resistencia Galega, reivindica a unidade de España e acusa o resto de candidatos de presentarse "para rescatar a súa carreira ou facer proclamas de secesión".
Ana Miranda e Lidia Senra cargan contra a política lingüística do Goberno de Núñez Feijóo por "buscar a invisibilización e desprestixio do idioma" tras participar nas concentracións de Queremos Galego.
A formación nacionalista inclúe esta proposta no seu programa de cara ás europeas e pide que o cannabis "reciba un tratamento similar ao alcohol e ao tabaco, ambos os dous legalizados" e que se valore a súa "distribución controlada"
PSdeG, BNG e AGE cargan contra o candidato do PP ás europeas, que xustificou a súa suposta derrota no debate electoral ante Elena Valenciano no seu intento de non "facer un abuso de superioridade intelectual" para non "parecer un machista que acurrala unha muller".
O presidente da Xunta volve esvarar no eido artístico ao mudarlle o título a unha das obras de referencia de Rosalía de Castro na véspera do Día das Letras galegas.
Numerosas institucións europeas denunciaron nos últimos cinco anos a política lingüística da Xunta. Desde axencias comunitarias ao Consello de Europa pasando pola Eurocámara, todas censuran a precaria situación do galego, especialmente no ensino tras a aplicación do decreto do plurilingüismo.