O presidente da Xunta asegura que a confirmación de que medio goberno compostelán será xulgado non muda a situación e non promove a destitución dos edís para non "traizoar" a súa "conciencia". O alcalde, Ángel Currás, defende a continuidade e cre "inxusto" que se produza o xuízo.
Presenta un recurso ante a Xunta Electoral Central polo criterio seguido coa formación para o reparto de tempos. Segundo o organismo o Bloque non se presentou aos anteriores comicios europeos, polo que lle corresponde o mesmo espazo que a listas coma o Partido X ou o Partido Animalista.
A Audiencia desestima o recurso co que os edís composteláns tentaron evitar o banco dos acusados por un presunto delito de prevaricación. Sete dos trece concelleiros acordaron pagar con fondos públicos o avogado do edil de Deportes, imputado na Pokémon, e segundo os maxistrados fixérono de xeito "incondicional".
O presidente da Xunta teima en presentar o baixo número de nacementos como causa do descenso da poboación de entre 15 e 34 anos. Malia á perda dun 20% de mozos e mozas dende o inicio da crise aínda residen en Galicia 70.000 persoas novas non nacidas en territorio galego.
Os conservadores baleiran de contido a iniciativa popular para garantir as unidades de hemodinámica, medicina nuclear e radioterapia no Hospital Lucus Augusti, prometidas por Feijóo para 2011. Pola vía das emendas mudan ata o título da lei e dilatan o prazo de cumprimento ata 2016.
Menos do 3% dos residentes galegos no exterior participarán nas vindeiras eleccións europeas logo de que tan só uns 12.500 dos 422.000 inscritos no CERA pedisen votar.
A voceira do PP e directora da campaña europea en Galicia non comparece ante a prensa dende que se difundiu o informe de Vixilancia Aduaneira que a implica nunha presunta rede de enchufes e irregularidades ligadas á Pokémon. "Verana en moitos actos" da campaña, di o número dous de Feijóo.
Os conservadores rexeitan unha iniciativa do BNG para que a Xunta asuma as competencias en materia meteorolóxica aínda que eles mesmos a reclamaron no pasado. Malia incluílo nos seus programas electorais, dende o retorno ao poder os populares non sumaron ningún novo traspaso.
