A sombra da baixa participación paira no inicio do ciclo electoral que, en apenas dous anos, levará o electorado galego a renovar os parlamentos europeo, español e galego e mais os concellos. Dende a pasada década e ata o inicio da crise os niveis de abstención do país non destacan no Estado.
O fiscal ve "indicios racionais de criminalidade" na actuación do ex rexedor José Oreiro e da ex tenente de alcalde Marisol Piñeiro, hoxe deputada do PP. O BNG denuncia que contrataron "a dedo" unha asesora, que o actual goberno municipal se viu obrigado a despedir.
Ás portas da campaña a maioría das enquisas prognostican un triunfo dos conservadores no medio dun descenso dos seus votos e escanos e tamén dos do PSOE a respecto de 2009. O único inquérito difundido a nivel galego outórgalles aos de Cañete máis do 40% dos votos e achega a abstención ao 60%.
O proxecto EUvox, elaborado por expertos de todo o continente e impulsado pola propia Eurocámara, vén de lanzar unha ferramenta para amosarlle á cidadanía que formacións políticas están máis próximas ás súas preferencias políticas e elaborar unha base de datos sobre o comportamento electoral na UE.
O Goberno galego teima no modelo de axudas parciais aínda que lle sae máis caro que o de préstamo universal e anima a estender os bancos de libros das ANPAS para contrarrestar o efecto da súa propia retallada.
O TSXG anula a creación de novos postos para relevar o secretario e a interventora municipais, que segundo presuntos implicados no caso Pokémon "torpedeaban" as operacións de Conde Roa e Espadas.
O líder agrarista, candidato do Grupo Verdes/ALE á presidencia da Comisión Europea, participou na manifestación central da CIG neste 1º de maio. Salientou o traballo realizado por Miranda no Parlamento europeo, onde defendeu "unha visión global a partir da experiencia propia, nacional"
O presidente pon en cuestión a Enquisa de Poboación Activa tras os malos resultados do primeiro trimestre e despois de utilizala durante anos para apelar ao "diferencial positivo" de Galicia. Vincula a posibilidade de atopar traballo coas inscricións como demandante no antigo INEM, aínda que menos do 3% das baixas neste se producen por unha oferta do Servizo Público de Emprego.
O popular Nelson Santos, imputado por prevaricación continuada, suborno, malversación de fondos e tráfico de influencias, atribuíu nun mitin de 2011 todas as acusacións aos "miserables unidos" da oposición e a "un xornal que está a piques de pechar". Audio no interior