Política

Os investigadores da Pokémon interviñeron conversas telefónicas nas que, ao seu xuízo, fica claro que a trama se fixo, mediante un concurso amañado, coa xestión dunha escola infantil de Santiago na que o persoal foi recomendado por cargos do Concello con coñecemento do alcalde, Ángel Currás.

A Xunta deixa nas mans da dirección de cada centro educativo a decisión de suprimir ou non as clases ante as alertas meteorolóxicas

O presidente da Xunta descarta cesamentos no seo do seu partido ata, cando menos, que se publique integramente o sumario, e deixa caer críticas á instrución polo "morbo" dalgunhas das conversas intervidas. Audio no interior

As conversas intervidas a un dos presuntos líderes da trama revelan que o ex alcalde "cometería prevaricación ao ordenar que non se cobrase ás monxas". Noutra conversa Espadas admite que "foi corrupto por Gerardo". O BNG apela á "rebelión" para frear a "podremia" da corrupción.

Os conservadores vetan a creación dunha comisión para abordar a modificación da lei de eleccións e insisten en recortar escanos mentres desdeñan as iniciativas de PSdeG, AGE e BNG para reducir gastos sen minguar representación cidadá.

O sumario da presunta rede corrupta sitúa o ex xefe de gabinete de Conde Roa, Ángel Espadas, como peza central para a consecución de contratos na capital galega. Tras a caída de Conde Roa, a trama procurou intermediarios para "tender pontes" con Ángel Currás.