En Marea, PSdeG e BNG propuñan uns 200 posibles comparecentes que reduciron a uns 80, entre eles un familiar do falecido na Estrada sen atención médica. O PP ofreceu incorporar 20 nomes que escollera de entre todas as propostas da oposición, un 'todo ou nada' que os grupos da esquerda rexeitaron
O enxeñeiro de Talgo-Bombardier responsable do sistema embarcado nos trens di descoñecer por que Renfe tardou dous anos en volver a activalo unha vez proposto o xeito de reparalo. Na mesma sesión no Congreso un técnico de Adif negou que se aforrase en seguridade no deseño da liña.
O Goberno de Sánchez trasladou xa ao Congreso a súa proposta contra o voto rogado, que prevé que os inscritos no censo de residentes ausentes reciban a documentación e escriban o partido elixido nunha papeleta para logo enviala por correo ou votar con ela no consulado.
Cinco anos despois da inauguración, e aínda á espera de solucións contra a néboa, o ministerio gastará 113.000 euros nunha canalización non prevista para os “episodios de chuvia”
A concesionaria da AP-9 aumenta outro 2% as súas taxas promovendo a telepeaxe, pola que xa recibe o 57% dos seus ingresos tras despedir un cento de traballadores na última década
"O Concello vai pasar á historia por ser o primeiro en rebaixar impostos por crear 5 empregos a unha empresa con máis de 20 millóns de beneficios", di a voceira socialista, mentres o goberno local (PP) advirte de que se limita a aplicar as rebaixas fiscais previstas na ordenanza municipal para promover a implantación de empresas
O Eixo Atlántico advirte nun informe do "grave problema" co lume do noroeste peninsular atlántico polo abadono rural, o combustible acumulado e o quecemento global. Advirte do "serio aviso" da vaga de outubro de 2017 e dos novos riscos e pide "evitar solucións superficiais".
Catalunya centra un debate sobre a Constitución celebrado no Hórreo entre a presidenta do Congreso e o seu antecesor José Bono, que pide “facer o que sexa mester para que o secesionismo non triunfe”
O líder do PP defende que a interrupción do embarazo "non é un dereito" das mulleres e, na liña do mantido por Feijóo mentres estivo sobre a mesa a contrarreforma de Ruiz-Gallardón, asegura que a lei do aborto de 1985 tivo o "acordo dos dous grandes partidos", aínda que non é certo
En marcha a remuda de Antonio Erias na presidencia na sociedade Mercado Ibérico do Gas, cuxas contas máis recentes reflicten que percibiu 426.000 euros nun ano