A confluencia gaña co 75% dos votos a consulta interna de Podemos Galicia, cuxa dirección defende unha coalición fronte ao partido instrumental aprobado pola asemblea das mareas.
Logo de baixar as subvencións electorais un 20% nas autonómicas de 2012, hai un ano o PP subiunas en solitario un 33% co argumento de aumentar o financiamento público dos partidos en detrimento das doazóns privadas, que non puido limitar por ser competencia estatal.
Un cable da embaixada norteamericana en Madrid non publicado ata o de agora en Galicia permite reconstruír a chegada á Xunta do agora presidente, a corrupción do PP, o “malgasto” de Touriño, e as dúbidas que dicía haber sobre a capacidade de resistencia electoral e as relacións empresariais do BNG.
O candidato socialista cre que Feijóo puxo as eleccións o 25 de setembro para adiantarse ao xuízo da Gürtel e o empeoramento económico do outono. “A oposición recibiu dúas malas noticias estes días: a data da convocatoria electoral e os datos do paro”, di Tellado.
A coordinadora de En Marea elixe responsables de programa e campaña mentres agarda pola finalización da consulta de Podemos Galicia, cuxa militancia decide ata a noite deste martes se opta por confluír ou concorrer en solitario.
A promulgación do decreto de disolución do Parlamento e convocatoria dos comicios do 25-S fai que comecen a correr os prazos para o electorado e tamén para as forzas políticas, que terán que rexistrar as súas candidaturas entre os días 17 e 22 deste mes.
O 25 de setembro, cadrando coas eleccións vascas a e a apenas unha semana do inicio do xuízo da Gürtel, o actual presidente enfrontarase a toda a oposición pero, sobre todo, ao candidato que gañou á primeira en 2009. Recuncar no poder abriríalle as portas de Madrid que lle pechou a publicación das fotos con Marcial Dorado.
Feijóo comunícalle ao Consello da Xunta que as eleccións galegas se celebrarán o mesmo día que as vascas. "Se un ten o obxectivo de achegar estabilidade ao seu país, o consecuente é coincidir con Euskadi", argumenta.
O presidente da Xunta revela esta tarde se as eleccións cadran ou non coas vascas o 25 de setembro, caso no que o Consello terá que ditar o decreto de disolución do Parlamento.
Como as bonecas rusas, a decisión que sobre as candidaturas á Xunta adopta cada nivel do partido socialista encerra toda unha historia de apoios, enfrontamentos, negociacións e correccións técnicas. Pechado o proceso local e provincial, os órganos autonómico e estatal terán agora a última palabra.
O presidente asegura, nunha entrevista publicada en Europa Press, que marchará se non acada a presidencia ou a ostentará os catro anos se a revalida. Sobre Angrois, pregúntase que ten que ver el co accidente e considera inxusto que as vítimas o critiquen.