A asemblea constituínte de Vigo crea a nova formación, cuxo candidato será elixido de xeito directo polas bases e na que o resto das listas poderán ser consensuadas. Os seus líderes apelan á unidade á espera de coñecer o resultado da consulta que Podemos Galicia realizará entre os seus simpatizantes para decidir se se suman dalgún xeito a unha candidatura conxunta.
A secretaria xeral galega, Carmen Santos, acude finalmente este sábado ao encontro constituínte de Vigo á espera de que as bases decidan nunha votación a realizar ata o martes se concorren ás autonómicas de outono en solitario ou “en alianza electoral” con outras forzas, mentres que os alcaldes do cambio reclaman a súa integración nunha única marca electoral.
Leiceaga pide que Feijóo convoque canto antes as eleccións galegas, Pontón lamenta que sexa Urkullu quen fixe a data e Noriega asegura que as mareas chegarán a tempo coa súa candidatura aínda en construción.
A axenda electoral vasca volve marcar a galega. Feijóo evita aclarar cando ditará a convocatoria pero advirte de que lle "gustaría coincidir" coa data decidida polo líder vasco, como acordara con el o pasado abril.
A presentación dun libro cos discursos parlamentarios do socialista fai que ambos coincidan na defensa de políticas moderadas fronte aos “populismos”.
Carlos Mantilla, que foi deputado, senador, vicepresidente da Deputacion de Pontevedra e presidente do PP de Vigo, tería falseado unha peritaxe para xustificar como aforros os ingresos que o Culebras obtiña de actividades ilícitas. O fiscal critica a súa "teimosía, temeridade e falta de rigor contable" para "favorecer os intereses dos seus clientes".
A Deputación da Coruña homenaxea os rexedores represaliados polos golpistas na véspera de retirarlle as honras a Franco. O neto de Suárez Ferrín lembra no acto que a sentenza que avalou o asasinato do seu avó nunca foi anulada.
O tribunal di que non se podían analizar os riscos da planta sobre a base dunha planificación urbanística tamén nula. Esta é a cuarta sentenza firme do Supremo contraria á planta de regasificación de Mugardos, logo de anular tamén o plan de urbanismo, a autorización da planta e o proxecto de execución que a amparaban.
Carmen Santos asegura que "a xenerosidade" non pasa pola creación do partido instrumental que defenden as Mareas en Común. O partido celebra o seu encontro este venres, a vinte e catro horas da asemblea das mareas.