A iniciativa, formulada polo BNG, retoma unha petición que o Parlamento xa culminara en 2008, pero que fracasou ao chegar ao Congreso dos Deputados en 2010. O PSdeG vota a prol da proposta e o PP, que permite tramitala pero opta pola abstención, retruca ao Bloque que "o compromiso co autogoberno non se mide no número de competencias, senón en firmeza na defensa dos intereses de Galicia"
O presidente da Xunta argumenta que é preciso "non esquecer" que "o proceso que sume na incerteza a unha das comunidades que foi vangarda de España" comezou "cunha reforma estatutaria precipitada e frustrante". Na súa primeira lexislatura á fronte do Goberno galego anunciara varios prazos para a reforma do Estatuto, pero non cumpriu ningún. O programa electoral do PP en 2012 recuperou a promesa con máis vaguidade e en 2016 e 2020 xa desapareceu da súa axenda
O PSdeG celebra o 40º aniversario do Estatuto reivindicando o seu "galeguismo inclusivo" fronte á "política da inacción de Feijóo" e tamén "fronte a aqueles que defenderon o separatismo", sinala Gonzalo Caballero. Entre as transferencias que se propón reactivar destaca a de tráfico e seguridade viaria, que implicaría o despregamento da Policía galega regulada por lei dende 2007
A Cámara recoñece coas súas medallas á Xeración Nós, de cuxa “semente e exemplo imperecedoiros” declara “tributaria” á Galicia actual
Ao fío do 40º aniversario do Estatuto, a líder do BNG chama a abordar tras a pandemia "un novo status político que nos recoñeza como o que somos, unha nación" cunha "nova relación co Estado, de tipo confederal". Ve "imprescindible abrir a transferencia" das arredor de 70 competencias pendentes no actual texto: "O mínimo que se pode esixir é que cumpran a lei"
A autonomía naceu nun ambiente político marcado polos ecos do 23-F e lonxe do entusiasmo que alimentara as reivindicacións autonomistas na fin da ditadura. En 2007 descarrilou de vez a reforma estatutaria e en 2009 Feijóo prometeu retomala, pero nunca o fixo. Dende aquela, o país transita polo período máis prolongado da historia da autonomía sen novas competencias
Os socialistas celebraron no Parque de Bonaval, en Compostela, o 40 aniversario da aprobación definitiva do Estatuto, nun acto no que Gonzalo Caballero estivo acompañado dos ex-presidentes González Laxe e Pérez Touriño. “Necesitamos un novo acordo de país", demandou o líder do PSdeG.
Está a piques de chegar Retrocorenta, un podcast no que imos percorrer algúns recunchos das últimas catro décadas da historia de Galicia tirando dos fíos da cultura, da música, dos deportes, das xentes, dos lugares... Algunhas desas cousas que tamén son historia do país e parte da nosa memoria colectiva.
O 21 de decembro de 1980 celebrouse o referendo do actual Estatuto de Autonomía. O texto foi aprobado por ampla maioría (73% fronte ao 20%) pero cunha abstención récord, próxima ao 71%. A pesar de que a súa aprobación deu inicio ao autogoberno galego, a data pasa todos os anos desapercibida.