Recoñece que ningún traballador denunciou nin ratificou que se sentise intimidado e que o denunciante non estaba presente no lugar dos feitos, pero critica con dureza unha acción "orquestrada e organizada" que "impedía o normal desenvolvemento dunha votación democrática"
Delegados de CUT, STAJ e CIG, os tres sindicatos que non asinaron nin o acordo nin o preacordo coa Xunta, están sendo investigados nun proceso aberto pola Fiscalía de Pontevedra e un xulgado na Coruña. Os afectados acusan a Xunta de "persecución e represión sindical" e sinalan a Rueda.
A taxa de litixiosidade en Galicia situouse no primeiro trimestre do ano nos 22,1 asuntos por 1.000 habitantes, a máis baixa do Estado por mor do paro que durou 114 días.
O número de lanzamentos practicados no país no primeiro trimestre deste ano descende en máis dun 55% ao situarse en 303, moi lonxe dos 684 do mesmo período de 2017. O TSXG advirte de que esta baixada "débese, polo menos en parte, á folga de funcionarios".
Os tres sindicatos que aínda quedaban no comité de folga desconvocan o paro tras a publicación no DOG do acordo entre Xunta e outras tres centrais e logo de case catro meses. CUT, STAJ e CIG meditan "impugnar" o pacto coa Xunta pero do xeito "menos lesivo para os traballadores".
O Goberno galego anuncia que aplicará "xa" as melloras acordadas con tres das centrais, que representan menos do 50% do persoal. As que aínda se manteñen no comité de folga xa anunciaron que estudan impugnar o texto, que o Consello prevé ratificar este xoves.
O seguimento entre os maxistrados foi maior no conxunto do Estado, ao superar o 65%. O comité de folga do persoal da Administración de Xustiza leva á Valedora e ao Defensor o peche do conflito na mesa sectorial ao considerar "ilegal" por ir contra un dereito constitucional.
O Goberno xustifica a decisión na "interrupción da folga indefinida" decretada polos sindicatos e no "masivo reinicio da actividade laboral". O sindicato maioritario, SPJ-USO, como xa fixeran UGT e CCOO, adheriuse á ultima oferta da Administración e deslígase da convocatoria do paro.
SPJ-USO, central maioritaria, UGT e CCOO adhírense ao último acordo "por responsabilidade" e ante a posibilidade de que o Goberno retire as melloras xa aceptadas. O Executivo negouse a ampliar o prazo ás centrais para que decidisen sobre esta proposta que fora rexeitada en votación.
Dálles tres días de prazo, até o venres ás 14 horas, para que acepten a última proposta ou sentirase "liberada de calquera compromiso". UGT, CCOO e CSIF consultarán cos seus afiliados, USO prefire que se pronuncie todo o persoal e CUT e CIG apostan por seguir negociando no comité de folga.
A Administración pretende poñer fin ao conflito pero prescinde do comité de folga como interlocutor malia as advertencias dos sindicatos. Todas as centrais están chamadas á xuntanza que pretende acabar cun conflito que dura máis de tres meses.
O interlocutor válido segue a ser o comité de folga mentres esta non sexa desconvocada formalmente, advirten as centrais sindicais