Galicia afronta a súa décimo cuarta folga xeral. E faino cunhas taxas de desemprego sen precedentes e contra unha reforma laboral do Goberno central que os sindicatos cren que desprotexe e precariza aos traballadores. CCOO, UGT, CIG e CUT son optimistas e confían no "éxito" do paro e das mobilizacións.
No mesmo día da folga xeral, dez profesores universitarios propoñen un debate público en Lugo no que achegarán alternativas para saír da crise e crear emprego no país. Piden actuar e pensar en positivo a través dun "debate de fondo e non superficial" máis aló de reformas e recortes. "Hai alternativas e témolas aquí mesmo", explican algúns dos expertos que nos dan as claves do carreiro que deberiamos coller.
O voceiro conservador en materia laboral traslada ao Parlamento a súa defensa dunha reforma laboral que "non ten nada que ver coas clases" durante o debate dunha proposta do Bloque que esixía a súa retirada
O portavoz nacional do BNG conclúe en Compostela a campaña da formación frontista contra a reforma laboral apelando á "solidariedade" entre traballadores e a "non caer na trampa do PP, tentando dividir entre quen ten traballo e quen non o ten". Audio no interior
Os sindicatos galegos alertan de que están a recibir unha morea de queixas de traballadores que denuncian presións e ameazas das empresas para que non secunden a folga xeral. Moitas destas comunicacións son anónimas ou piden expresamente confidencialidade ante o temor ás represalias en forma de despido ou non renovación de contrato. "O meu corazón irá convosco e o meu corpo agochará a cabeza e acudirá puntualmente ao posto de traballo, traballo que non será moi produtivo porque estarei de loito”, di unha desas mensaxes.
A declaración está asinada por polos galegos CIG e CUT, os vascos ELA, LAB, ESK, STEE-EILAS, EHNE e HIRU, os cataláns Intersindical –CSC e a Intersindical Canaria. As dez centrais opóñense frontalmente "a unha reforma laboral que deixa en total indefensión as traballadoras e traballadores, nun mercado laboral desregulamentado e a mercé, exclusivamente, dos antollos e necesidades empresariais".
Se vou á folga, canto me descontan da nómina? Afecta á miña cotización? Debería avisar ao xefe? Coa axuda dun experto, intentamos resolver estas dúbidas e moitas máis ante o paro xeral do vindeiro xoves 29
Os sindicatos galegos rexeitan os servizos mínimos feitos públicos pola Xunta de cara á folga xeral do vindeiro 29 de marzo. A CIG decidiu presentar un recurso ante a Xustiza ao consideralos “abusivos e contrarios ao dereito fundamental de folga”, mentres que os servizos xurídicos de CCOO e UGT estudan tamén recorrer, aínda que xa teñen solicitada a suspensión cautelar dos ditados na CRTVG, instalacións deportivas e xulgados.
Na historia das mobilizacións de traballadores destaca a conflitividade de 1984 e 1985, con cinco folgas xerais en dous anos, motivas as máis delas pola reconversión industrial. Tamén a do 12 de novembro de 1988 o plan de emprego xuvenil e a política económica do goberno socialista, que paralizou o país por completo. Ou as que tiveron lugar en 1992 e 1994, no contexto dunha dura crise económica. Tamén a que en 2002 obrigou a José María Aznar a modificar o chamado decretazo ou a do 29 de setembro de 2010, a primeira que sufriu Zapatero. Liña de tempo no interior.
A CIG e CCOO rexeitan por "abusivos" os servizos mínimos decretados de maneira "unilateral" pola Consellería de Sanidade. Comisións solicitará xudicialmente a retirada dos mesmos