O PP accedeu por primeira vez a abrir a comisión de investigación sobre a fusión das caixas hai 8 anos, pero mantívoa paralizada durante máis de media década. O BNG coida que a reapertura da comisión foi "un xesto cosmético" do PP "sen vontade de ir máis alá, porque Feijóo é directamente responsable do que aconteceu" e o PSdeG ve a paralización "moi na liña da Xunta: facer que se fai" e "sepultar" o fracaso da fusión "baixo a aparencia dunha investigación"

Caixa Galicia concedeu en 2005 un préstamo de 108 millóns de euros á promotora do edificio Intempo. Tras a fusión con Caixanova e posterior rescate de Novagalicia Banco, o 'banco malo' quedou coa débeda e colocoulla en 2017 a un fondo de investimento americano. As obras veñen de rematar e a promotora encargada está a vender os pisos por prezos que van dos 260.000 euros a máis dun millón

Durante uns cinco anos, a comisión de investigación mantívose inactiva por vontade do grupo maioritario da Cámara, o PP, que alegara a necesidade de "arrefriar o debate". Logo das últimas eleccións galegas, no pasado mes de outubro a Cámara abriu a comisión por terceira vez, pero axiña volveu deterse. 

O ex-deputado Antón Sánchez viña reclamando dende 2013 o informe co que a Xunta autorizou a fusión das caixas; o pasado xuño o TSXG condenou o Goberno galego a entregar o documento. Nel limítase a resumir as vantaxes da operación que as propias entidades esgrimían ou a referirse ao visto e prace do Banco de España. Non achega ningunha pescuda propia nin se refire ao informe que encargara a KPMG por un millón de euros para impulsar a fusión