A concesionaria da AP-9 volve provocar grandes retencións no seu posto de peaxe de Teo e evita erguer as barreiras malia non prestar o servizo ofertado. A autoestrada, cuxa concesión non remata ata 2048, acumula sete anos de perda de tráfico pero segue a incrementar as súas tarifas.
O pasado 21 de marzo Alberto Rendo, de Narón, protestou contra os elevados e crecentes prezos da AP9. Chegou á peaxe e comunicou que non tiña intención de pagar, polo que foi multado con 280 euros. Recolleu a súa acción en tres vídeos que publicou posteriormente e advirte de que continuará coa súa loita.
En 2013 circularon pola autoestrada galega 20.156 vehículos cada mes fronte aos 27.029 de 2007, un 25,4%. Neste tempo o prezo da peaxe encareceuse un 28% e viaxar de Ferrol a Tui xa custa máis de vinte euros.
O traxecto entre Ferrol e Tui en vehículo lixeiro chega xa aos 20,20 euros tras a última suba nas peaxes da autoestrada do Atlántico
A plataforma Todos contra a suba das peaxes esixe nun escrito a paralización da suba prevista para o 1 de xaneiro e que se apliquen en Galicia os mesmos descontos aprobados noutras comunidades autónomas. Lembran que os incrementos de prezos levan un descenso do número de usuarios
A peaxe da autoestrada do Atlántico -e a que une Compostela e Lalín- subirá un 1,85% no vindeiro ano, un incremento superior á inflación e que se debe a un antigo pacto entre Fomento e as concesionarias.
A concesionaria dos treitos Vigo-Baiona e A Coruña-Carballo ofrece descontos nas peaxes automáticas. UGT ve nesta e noutras medidas un intento de desfacerse do seu persoal e reducir custes.
O colectivo anticípase ao acordo entre AUDASA e o Ministerio de Fomento para rebaixar o prezo para un grupo de usuarios e advirte que ese desconto "o pagaremos o resto dos galegos" mediante impostos ou mediante o encarecemento do resto da AP9.
A Plataforma contra a suba das peaxes convoca para ese día un boicot á autoestrada. Esixen que, cando menos, se apliquen en Galicia os mesmos descontos por uso frecuente que existen noutras comunidades. Viaxar de Vigo á Coruña custará o 1 de xaneiro máis de 15 euros, dous máis que hai un ano.
Os organizadores da protesta sinalan que o tráfico na autoestrada se reduciu ao redor dun 15% este martes, segundo os sensores da DGT, e denuncian a "falta de sensibilidade" da empresa concesionaria, á que lle seguen esixindo que rebaixe os prezos ao igual que o fixo noutras comunidades autónomas.
A ministra de Fomento asegura que está "a dar a batalla" con Audasa na procura dunha solución á suba de prezos das peaxes, pero descarta que haxa un rescate da concesión.
Os socialistas lembran que Aznar "prorrogou a concesión" da Autoestrada do Atlántico "cando xa estaba amortizada", o BNG coincide en que a suba de tarifas supón "un atraco" e o Goberno galego asegura que o incremento é consecuencia da "herdanza recibida" do Goberno central do PSOE