David Lombao

A oposición parlamentaria repróchalle ao presidente que defenda o barón ourensán ante a denuncia da muller que o acusa de ofrecerlle un posto de traballo a cambio de sexo. O titular da Xunta pon o acento en que Baltar non está imputado e repróchalle ao resto de grupos ter unha "dobre vara de medir".

A oposición abandona o pleno do Parlamento ante o abeiro ao barón ourensán por parte do presidente, que acusa o resto de grupos de "utilizar as mulleres" por esixirlle responsabilidades políticas. Vídeo no interior

• Un baltarista como segunda autoridade de Galicia?

O comisario europeo de Pesca confirma que non segue adiante coa normativa que ía prohibir o traballo dos 427 barcos dos xeiteiros, que en 2014 viaxaron á Eurocámara con Ana Miranda (BNG) para amosarlles o seu traballo ás autoridades comunitarias.

Os populares inician en solitario o trámite da lei de acompañamento dos Orzamentos, na que o Goberno inclúe unha norma para prorrogar indefinidamente o mandato do actual responsable dos medios públicos.

Os populares mudan a súa postura e, no canto de votar o mantemento do IBI no 0,54%, o vixente con Hernández na Alcaldía, apoian a baixada ao 0,51% que o PSOE defendía inicialmente en solitario.

O litro de leite galego pagouse en setembro a 28 céntimos, uns tres por baixo do que custa producilo, e mantívose como o máis baixo do Estado. As organizacións agrarias seguen a esixir solucións e Medio Rural ínstaas a "sumarse" ao acordo asinado no Ministerio.

As primarias organizadas dende Iniciativa pola Unión elixen a Carlos Callón como cabeza de lista ao Congreso pola Coruña e ratifican a Olalla Rodil, Noa Presas e Carme Adán á fronte das candidaturas de Lugo, Ourense e Pontevedra. Vence reivindica a Nós como "única" opción electoral "100% galega".

O PP pechou a porta a unha nova censura "agora mesmo" pero di contemplar "calquera posibilidade cara ao futuro", obviando que a lei electoral fai inviable tombar o goberno de PSdeG e BNG, se ben Martínez ten marxe para bloquear a súa xestión.

O Partido Socialista dá por "concluída" a negociación do programa de goberno co Bloco de Esquerda, o Partido Comunista e os Verdes, e sitúa a António Costa máis cerca ca nunca de ser elixido primeiro ministro en substitución de Passos Coelho.

Quen agora cobran apenas 400 euros brutos ao mes cobraban uns 500 antes da crise; quen cobraban 4.200 agora perciben 4.500. Un terzo da poboación asalariada galega non chega a ingresar 1.000 euros ao mes.

O alcalde de Becerreá fica suspendido temporalmente de militancia e os socialistas lucenses reclaman que o Pacto Antitransfuguismo actúe contra el e mais contra o PP de Lugo. O rexedor acusa a súa formación de "enganalo" e di ter a intención de permanecer na Deputación todo o mandato.

Os bancos prestan en Galicia practicamente o mesmo que antes dos anos da burbulla, pero manexan 24.000 millóns máis en depósitos, o que consolida o país como fornecedor neto de crédito para outros territorios do Estado.