NUMAX: O cinema volve a Santiago
Este 18 de marzo bota a andar NUMAX, o proxecto cinematográfico que, no centro de Compostela, ofrecerá catro proxeccións diarias nun local que inclúe unha libraría e estudios de deseño gráfico e produción audiovisual.
Feijóo identifica a Hernández coa "nova política" fronte a quen "caeron derrotados na Transición"
O presidente da Xunta afirma que non hai "ninguén mellor" para gobernar a capital galega que o seu candidato, a quen contrapón á "vella política do alarido", do "berro" e do "odio" baseada en "receitas que caeron co Muro de Berlín".
A mortalidade por infarto en Lugo duplica a media estatal
O INE certifica en Lugo 76 mortes por infarto por cada 100.000 habitantes e 35 na media do Estado. A unidade que atende estas doenzas no Hospital Lucus Augusti só atende en horarios de oficina malia ás peticións veciñais e do propio Servizo de Cardioloxía do centro sanitario.
"A rúa é perigosa porque non hai nenos nela, está abandonada"
O psicopedagogo Francesco Tonucci repasa en Galicia o seu modelo urbano, baseado en cidades no que a infancia sexa "prioritaria" fronte "aos coches", e as súas aplicacións prácticas en urbes como Roma ou Pontevedra.
A esixencia de seguridade na A-8 irrompe no maratón preelectoral de Fomento e a Xunta
O alcalde de Mondoñedo aproveita a sinatura dun convenio con Pastor e Feijóo para pedir medidas que eviten novos sinistros como o accidente múltiple do pasado verán en Abadín. O presidente e a ministra inauguran a terceira rolda da Coruña e afirman que xa é posible ir de "Madrid a Riazor" sen pasar por "ningún semáforo".
O PP advirte de que "un caos liderado por Podemos" e "os comunistas" ameaza Ferrol
Feijóo presenta o seu candidato ferrolán nun mitin monolingüe en castelán como única alternativa de "estabilidade". Rey Varela promete emprego para "todos os ferroláns" no porto de Caneliñas e o PSdeG pídelle explicacións polos despedimentos no recinto feiral.
A investigación ao 'conseguidor' da trama Zeta reaviva a presión sobre Feijóo
Besteiro esixe que o presidente compareza no Parlamento ao transcender que a xuíza que instrúe o caso da presunta fraude na información ordenou investigar o empresario Pachi de Lucas, amigo do titular da Xunta e considerado enlace entre a trama e os políticos.
A Xunta pecha o ano do récord da débeda incrementándoa un 8%
Durante 2014 a débeda galega chegou a superar os 10.000 millóns e rematou o ano en 9.961, un 152% máis que en 2008. O Goberno galego errou na súa previsión sobre o peso da débeda para o final de 2014.
Noriega: "A nosa vocación non é repartir migallas, é gañar"
O aspirante a optar a alcaldía de Santiago por Compostela Aberta aposta por crear un novo "espazo político" entre a capital e os concellos limítrofes e manifesta a súa intención de continuar como rexedor de Teo "ata maio".
A Xunta destina 2 millóns máis a anuncios promocionais da súa política económica
A Consellería de Economía acumula dende 2011 máis de cinco millóns de euros de gasto en campañas publicitarias sobre a súa acción. A campaña terá que basearse en que "o Goberno galego está a traballar no asentamento dunhas bases sólidas" para "fortalecer a economía"
Martiño Noriega preséntase para ser candidato de Compostela Aberta á alcaldía de Santiago
O coportavoz nacional de Anova e ata agora rexedor de Teo aposta por liderar a lista da plataforma compostelá ás municipais de maio. Branca Novoneyra, Xan Duro ou Manuel Dios, entre as persoas candidatas á lista.
Feijóo contradí os datos oficiais para unirse á euforia económica de Rajoy
O presidente da Xunta secunda o seu xefe de filas e asevera que "España é o país que máis medrou en 2014 de toda a UE" aínda que Eurostat acredita que nove economías da Unión medraron máis. Os crecemento galego do pasado ano sitúase nos últimos postos da Europa comunitaria.