Un conselleiro do PP na TVG, imputado por carrexar anciáns con demencia nas eleccións de 2012
O membro da dirección do PP de Lugo José Luis Iravedra e tres militantes máis trasladaron residentes dun asilo lucense ata un colexio electoral aínda que, segundo os informes forenses, "carecían de capacidade para decidir o sentido do seu voto"
O senador galego que traballa dúas veces ao ano
O alcalde de Cospeito, Armando Castosa (PP), realizou 7 actividades parlamentarias dende a súa incorporación ao Senado en 2011. Os senadores galegos máis activos son os socialistas Ricardo Varela e Miguel Fidalgo, con máis de 3.500 actividades cada un.
A AP-9 perdeu 1.000 vehículos diarios no verán mentres teimaba en provocar atascos
A Autoestrada do Atlántico regresou ás perdas de tráfico entre xullo e setembro tras unha lixeirísima recuperación do período estival de 2013. Audasa segue a negarse a erguer as barreiras cando provocan atrancos no tránsito mentres as chamadas de atención da Xunta e de Fomento seguen sen dar resultado ningún.
Segundo caso de presunta corrupción arquivado en Lugo por "nulidade das actuacións"
A Audiencia lucense anula "dende o inicio" a investigación dunha suposta trama de enchufes e contratos irregulares en Castro de Rei porque a xuíza Estela San José asumiu o caso malia ser consciente de que non podía facelo, ao derivar dunha investigación que non estaba relacionada con este asunto.
O galego deixa de ser a lingua habitual da maioría da poboación
O IGE revela que as persoas que utilizan o idioma do país na súa vida diaria descenderon 13 puntos en dez anos pero a Xunta celebra o incremento da poboación bilingüe. Compostela é a cidade con máis veciñanza que "sempre" fala galego e Ferrol, na que máis xente admite que non o fala "nunca".
A Xunta culpa os colexios do gasto en libros de texto, que "non son obrigatorios"
A Consellería de Educación evita detallarlle á oposición canto alumnado se beneficia da denominada 'gratuidade solidaria' dos manuais escolares, pero advirte de que "a Administración non fixa nin elixe os libros de texto", que non son "obrigatorios".
Os gastos dos galegos de Caja Madrid: Do San Froilán e Sargadelos a Women's Secret
O ex vicepresidente de Caja Madrid, Moure Bourio, retirou case 40.000 euros en metálico de caixeiros da entidade. Os outros dous antigos directivos de orixe galega empregaron os cartóns opacos en restaurantes, roupa ou electrodomésticos, entre outros produtos.
Persoal do Sergas esixe máis formación que "un vídeo" ante posibles casos de ébola
Profesionais da sanidade pública reclaman "adestramento" e traxes de protección para poder facerlle fronte a eventuais casos da enfermidade e Feijóo garante o "cumprimento dos protocolos". O presidente da Xunta elude valorar as palabras do conselleiro de Sanidade de Madrid pero maniféstalle "respecto" por ser un "excelente profesional" da medicina. Vídeo no interior
"Galicia foi o laboratorio electoral de Podemos"
O xornalista Anxo Lugilde presenta este venres 'De Beiras a Podemos', o novo libro editado por Praza e Meubook no que o autor analiza a "podremia" do actual sistema político, as súas orixes e os vieiros polos que pode transcorrer. "É importante analizar a política galega sen mirar tanto cara a Madrid e, nalgúns casos, con máis honestidade", afirma.
Chamada de atención dende as aulas á política "para que o galego non se perda"
Estudantes do primeiro curso de Educación Social da USC diríxense á Xunta, ao Parlamento, a institucións culturais e aos partidos políticos para reclamaren medidas concretas que protexan e fomenten a normalización do galego.
O primeiro pacto galego anticorrupción implica recortar á metade a campaña electoral
O PP logra o apoio do PSOE para o seu plan de "prevención" de prácticas corruptas aínda que os socialistas o consideran insuficiente. O debate de política xeral remata cunha ducia de acordos entre grupos, 8 unanimidades, entre elas a condena do franquismo, e o 96% das propostas da oposición rexeitadas. Os conservadores sacan adiante en solitario a súa iniciativa contra o soberanismo catalán.
"Anova xógase seguir sendo central na ruptura política; se nós non o facemos, farano outros"
Anova enfróntase a vindeira fin de semana á súa segunda asemblea ordinaria. O seu coordinador nacional, Martiño Noriega, chama a "desdramatizar" o que alí poida acontecer, pero non evita evidenciar que nesta cita medirán as súas forzas as "dúas almas" da organización, que poden "convivir" se "unha delas non adopta unha análise excluínte da outra". Mentres, o colectivo Cerna apela a "recuperar o proxecto orixinario" da formación.