Moreas de denuncias pola ausencia de papeletas de En Marea para votar por correo
A formación política e Marea Granate reciben moreas de queixas de votantes residentes no estranxeiro que reciben a documentación para votar pola circunscrición de Pontevedra sen a opción da confluencia galega.
O vídeo da loita veciñal na rotonda de Coia: contra a represión e o esquecemento
A Asemblea Aberta do barrio vigués lanza un avance da curtametraxe que repasa a resistencia dos veciños ante a polémica operación e que coincidirá coa petición oficial de cadea e elevada multa a un dos activistas imputados tras unha protesta. Vídeo no interior.
Ferreiro: "Pasaron de non crer que puidésemos estar na alcaldía a vernos como o inimigo a bater"
ENTREVISTA Xulio Ferreiro fai balance do seu primeiro ano como alcalde da Coruña, recoñécese "satisfeito" pero advirte de "cambios máis profundos e de maior transformación social". "Fixemos moito máis que retirar placas ou abolir as touradas, pero o foco das críticas estivo aí", di.
A empresa que proxectaba en Trazo unha planta de residuos de Sogama cancela o proxecto
A firma solicitara xa hai meses a autorización ambiental pero o Concello non o advertira ata que a veciñanza alertou do posible impacto económico e medioambiental. O alcalde atribúese a suspensión da iniciativa pero os veciños atribúena á mobilización social.
A "estratexia do conflito" das empresas de Florentino Pérez en Galicia
Fiscalía e Albada -do grupo ACS- solicitan penas de prisión para o comité de folga nunha das últimas disputas laborais xudicializados pola construtora, cuxas filiais acumulan expedientes, denuncias e batallas xurídicas no país. "Viven do conflito e polo conflito", din os sindicatos.
A poboación de velutina seguirá a aumentar no verán malia preverse un menor impacto
A Asociación Galega de Apicultores está a rematar a campaña coa que prevía eliminar 30.000 raíñas. A destrución de niños primarios, o labor dos expertos, o aumento nos medios por parte das administracións e a maior concienciación social reducen a agresividade da praga de vespa asiática.
Cosmos, Alcoa, Repsol, ENCE e as térmicas: os grandes contaminantes do aire galego
A área achegada á fábrica de cementos é o punto do Estado con máis contaminación por dióxido de xofre, tamén con altos niveis en Arteixo, A Coruña, A Mariña, Pontevedra, Meirama ou As Pontes. Galicia segue a respirar aire sucio, segundo o informe de Ecologistas en Acción.
Gómez Noya engade outro galardón a unha carreira de lenda
O triatleta galego vén de ser galardoado co Premio Princesa de Asturias polo seu "brillante palmarés" e o seu "espírito de superación" a poucas semanas de afrontar a conquista da medalla de ouro nos Xogos Olímpicos de Rio.
O Sergas, condenado por unha operación que deixou incapacitada unha mariscadora
A muller foi operada dunha man sen o seu consentemento e "sen que existisen evidencias da súa indicación", o que obrigou a outras catro intervencións que derivaron na súa incapacidade absoluta. A Administración deberá pagarlle 60.000 euros pero a afectada recorrerá a sentenza.
Galicia lanza o seu Movemento pola Defensa das Pensións Públicas
A plataforma xurdida en varias localidades do sur espállase xa por todo o país co obxectivo de "dar a batalla polas pensións públicas e defendelas ante os recortes e as políticas que as poñen en perigo". O colectivo celebra unha charla aberta ao público este mércores en Pontevedra.
Achegan á Fiscalía probas "irrefutables" da falsidade da Xunta no dragado da ría de Ferrol
O ex director xeral investigado, García-Borregón, nega ante o xuíz que se elaborase un informe a posteriori para rebater outro previo que alertaba sobre os danos ambientais. Fontes xudiciais insisten nas "clarísimas" evidencias dunha documentación feita despois para xustificar as obras.
O financiamento do COB reabre o debate das achegas públicas aos clubs deportivos
O pleno municipal de Ourense debate este venres adxudicar unha subvención de 1,5 millóns de euros ao club para que poida competir en ACB logo de que a Deputación si achegase o aval. Tan só o PP ten previsto votar a favor. Ourense en Común, Democracia Ourensana e PSdeG opóñense.