A contratación temporal pola chegada do verán baixa o paro en 7.700 persoas en Galicia
O desemprego descende en maio en 7.689 persoas impulsado pola hostalería. O sector servizos absorbe máis do 65% do descenso do desemprego mentres o mercado laboral segue a minguar: increméntase o número de cotizantes en 4.000 persoas menos das que baixa o paro no último ano.
O proxecto dunha planta para tratar as cinzas de Sogama alerta a veciñanza de Trazo
A veciñanza mobilízase e alerta do impacto medioambiental e económico dun proxecto previsto nunha antiga canteira. A empresa solicitou xa hai meses a autorización ambiental pero o Concello non advertiu da iniciativa aos veciños ata que estes sospeitaron meses despois.
O Concello de Vigo supedita a gravación dos plenos á autorización do alcalde
Aproba, co único apoio do PSOE, unha normativa rexeitada pola oposición, colectivos sociais e sindicatos, que a consideran "lei mordaza" ou "atentado á democracia". PP e Marea meditan ir aos tribunais por un texto que prohíbe amosar carteis e protestar ou limita o acceso a expedientes
O Sergas pechará máis de 930 camas no verán e mantense en cifras récord
Sanidade reduce minimamente o número de camas que non se prevén dispoñibles para os vindeiros tres meses mentres os sindicatos volven denunciar o aumento das listas de espera e do desemprego sanitario por mor desta decisión.
Imputados catro ex altos cargos da Xunta polo dragado irregular na ría de Ferrol
O ex director xeral da Natureza únese aos outros tres cargos na etapa de Hernández como conselleiro investigados por presuntos delitos contra os recursos naturais, prevaricación e falsidade documental. A declaración dun dos implicados acaba por imputalo a el e a García-Borregón.
Dende Lugo, unha 'muralla de dignidade' en defensa dos dereitos
As Marchas da Dignidade celebran este sábado unha mobilización en Lugo. "Quérennos na casa, caladas e calados, pero vannos a seguir atopando nas rúas", destaca a convocatoria
- Vídeo
- Cultura
'Sitio Distinto': a emigración galega en Euskadi e a súa pegada cultural
Davide Cabaleiro ultima un filme documental que conta a historia dos galegos emigrados ao País Vasco. Afonda na relación entre as culturas dos dous pobos e na "realidade cultural galega" que persiste naquela terra, "máis aló dos tópicos".
"Ciudadanos entrou nunha deriva: busca candidatos mediáticos ou ponos a dedo"
ENTREVISTA Antonio Rodríguez, único deputado por Galicia de Ciudadanos na pasada lexislatura, abandona o partido decepcionado tras ser substituído no número un da lista pola Coruña. "Son os que dirixen agora a formación os que non cumpren coas expectativas", di.
O único deputado galego por Ciudadanos abandona o partido
Oito membros das xuntas directivas na provincia da Coruña deixan os seus cargos: tres en Ames e cinco na Coruña. O que fora único representante do partido por Galicia no Congreso renuncia tamén á militancia: "Non pode seguir onde non estou cómodo e onde non se é coherente".
A insubmisión ás reválidas volve medrar e a Xunta recoñece o dobre de absentismo
Educación recoñece un 40% de absentismo no inicio da proba este martes, a mesma cifra que en 6º. A Plataforma Galega en Defensa do Ensino Público sitúa o apoio ao boicot no 82%, dous puntos máis que hai dúas semanas, e a Confapa en case o 70%, dez puntos máis que hai un ano.
A crise de Ciudadanos en Galicia descabeza tamén a dirección na Coruña
A coordinadora e catro directivos máis da agrupación local dimitirán esta tarde, ao igual que o responsable da formación en Ames, logo da remuda do cabeza de lista pola Coruña.
A Xunta recorta case á metade a axuda ás viaxes das mulleres que teñen que abortar en Madrid
O Sergas reduce a contía que paga a quen ten que interromper o embarazo nunha clínica especializada, obriga a adiantar os cartos, non sufraga o coche cama en tren e non paga os gastos do acompañante, segundo denuncian desde un Centro de Orientación Familiar.