Miguel Pardo

O grupo bancario confirma que prevé prescindir de un de cada catro empregados no país: 250 do Pastor e 185 do Banco Popular. O ERE suporá o peche de sucursais en todas as provincias, máis da metade delas nas cidades pero tamén en vilas medias. 

ENTREVISTA José Montes é o presidente de Feiraco, unha das catro sociedades impulsoras da integración cooperativa. Aclara que "aumentar as marxes dos gandeiros" é a principal preocupación dunha iniciativa cociñada en dous anos. "Todos sabiamos que tiñamos que facer algo", di. 

Varias sociedades están "ás portas" de integrarse no grupo impulsado por Feiraco, Xallas, Os Irmandiños e Melisanto para iniciar a actividade conxunta en xaneiro. 

É o caso de Vanesa, muller con dous fillos de 6 e 9 anos, ameazada cun desafiuzamento inminente por non poder afrontar o aluguer tras rematar os cinco anos de prazo nos que pode cobrar o bono-axuda da Xunta. Non ten alternativa en Vigo, onde hai preto de 20.000 casas sen xente. 

Co gallo do Día Mundial da Saúde Mental, Feafes lanza unha campaña para desterrar os falsos mitos sobre estas doenzas e advirter do problema engadido que causa o descoñecemento social. Os problemas deste tipo afectan 30.000 persoas en Galicia e afectará a un de cada catro cidadáns. 

O actual presidente, Carlos Mouriño, ultima a venda da maioría accionarial da entidade a un grupo empresarial da China e mantén en silencio unha operación que crea malestar e incerteza na bancada. O equipo vigués pode seguir o ronsel doutros moitos clubs controlados por fondos asiáticos. 

Verónica Boquete ou Sofía Toro son algunhas das protagonistas dun proxecto da Deputación da Coruña que busca "visibilizar" as mulleres e os seus triunfos pero tamén "as barreiras coa que se atopan" a través de entrevistas con deportistas e adestradoras. Pode ver o trailer no interior. 

O tempo medio de permanencia nunha compañía dos traballadores novos apenas alcanza os 24 meses e queda en 12 no caso dos que empezan a vida laboral. Os míseros primeiros salarios acentúanse entre as mulleres, con 677 euros brutos de media. 

Case 375.000 traballadores en Galicia non está nin tan sequera doce meses seguidos con emprego. Unhas 60.000 persoas traballan todo o ano pero non superan os 10.000 euros anuais brutos en salario. 

O paro rexistrado aumenta en 1.291 persoas en setembro, pero o número de afiliados á Seguridade Social cae en máis de 6.000. O desemprego increméntase no sector servizos pero cae na construción e na agricultura. 

Unha concentración este mércores amosará a "solidariedade" con Diego Lores, ao que a acusación pide tres anos e medio de cadea e máis de 30.000 euros de indemnización por suposta agreción a un axente. O Ministerio Fiscal contradí esa versión e pide arquivar o caso por falta de probas. 

O importe medio que se lle paga aos gandeiros increméntase un chisco por primeira vez neste ano, pero queda nos 27,2 céntimos en Galicia, que segue a ser a autonomía cos peores rexistros. O país perdeu 46 granxas no mes de agosto e 369 no que vai de 2016.