As múltiples e eternas escusas para xustificar o atraso dos floteis de Pemex
Feijóo apunta agora a tensión social derivada de varias reformas políticas en México como a causa da nova demora na licitación dos buques. É o último dos pretextos da Xunta, que antes aludiu ao 'tax lease', á falta de avais en Barreras ou ás noticias desalentadoras dos medios en Galicia.
O Valedor 'tíralle das orellas' ao Goberno polo veto a bandeiras nacionalistas
Lembra que só en casos "excepcionais" se poderían prohibir estreleiras nos recintos deportivos e recomenda que a policía restrinxa "o seu control da exhibición de símbolos" para "un mellor equilibrio entre a liberdade de expresión e a orde pública".
Unha hora menos en Galicia (e agora tamén en toda España)
O Congreso estudará que o Estado adopte o horario de Portugal, unha medida que en 2006 propuxera o BNG para o país e que fora ignorada e ridiculizada. Lito Prado, autor daquela proposta, lembra que "xurdiu do ámbito ecoloxista" e que "nada tiña que ver cun tema identitario".
A RAG reclama á Xunta que evite a supresión de clases de galego no Bierzo
A Academia transmite á Consellería de Educación e á Junta "a súa preocupación" polos recortes que sofren os alumnos de lingua galega e lémbralle ao Goberno galego que "debe controlar" o cumprimento do acordo entre as dúas administracións.
Clases de galego no Bierzo: sen recursos e con alumnos reagrupados
Castela e León ofrece aos alumnos de galego seguir impartindo a materia, pero sen medios e xuntando alumnos de diferentes cursos. As familias e o centro afectado rexeitan a proposta e reclaman á Xunta que asegure o cumprimento do convenio co Goberno castelán-leonés.
A querela contra o franquismo que comezou en Galicia
Arxentina pide a detención de catro torturadores e abre os consulados para recoller máis denuncias contra a ditadura mentres o Estado segue a poñer atrancos. Darío Rivas, fillo do alcalde de Castro de Rei asasinado, comezou hai máis de tres anos a causa que pretende acabar coa impunidade fascista.
Pemex atrasa a licitación dos floteis que Feijóo prometera para hai medio ano
A petroleira adía de novo a licitación dos buques, que será finalmente en novembro, e por cuxos contratos agardan Barreras e Navantia. A Xunta anunciara o inicio dos traballos para o primeiro trimestre de 2013.
Castela e León recorta en educación suprimindo clases de galego no Bierzo
A Junta elimina as materias optativas de lingua galega en Bacharelato nun instituto de Cacabelos un día antes de iniciarse o curso e con todos os alumnos matriculados. A medida impide aos rapaces obter o Celga III.
Preparando a sociedade para unha Galicia pospetróleo
Véspera de Nada presenta a Guía para o descenso enerxético, unha obra colectiva que prepara a sociedade galega para vivir sen petróleo e promove unha "mudanza desde a base" para "transformar o modelo enerxético e produtivo dominante" e que é inviable no futuro.
Os concellos galegos censuran que a reforma local "ignore a realidade de Galicia"
A Fegamp fai públicas as emendas presentadas ao proxecto do Goberno central, que ven "abocado ao fracaso" e ao que acusan de "virar ás costas ao municipalismo" e ao país por non ter en conta "as súas peculiaridades decisivas".
O "acoso" aos movementos sociais galegos que non se detén
Queremos Galego, Contraminacción ou a Plataforma polo Dereito ao Aborto únense á lista de colectivos multados nos últimos meses tras diversas mobilizacións, denuncian a campaña de "criminalización" e non descartan accións conxuntas.
Rey Varela: "Espero que coa reforma local acabe primando o sentido común"
O presidente da Fegamp e rexedor de Ferrol confía en que o trámite parlamentario corrixa un proxecto impulsado polo Goberno do PP que ten en contra a todos os alcaldes galegos.