O número de empresas en quebra aumenta máis dun 40% en Galicia
O incremento de familias e compañías que se declararon en concurso de acredores no país volve ser superior ao do conxunto do Estado. Un total de 124 empresas declarouse en suspensión de pagos na comunidade no segundo trimestre do ano.
Os recortes da Xunta lévanse por diante máis de 1.000 profesores para o curso que vén
CIG-Ensino lembra que os datos de adxudicación de destino demostran que haberá cando menos 999 docentes menos, unha cifra que aumentará cando se coñezan as vacantes das xubilacións que non se cubrirán. "O PP é unha máquina de destruír emprego na ensinanza pública mentres reforza a privada", di.
Galicia mobilízase contra as touradas
Colectivos da Coruña e Pontevedra convocan protestas contra as corridas de touros que se celebrarán no país e denuncian as subvencións, directas ou indirectas, de diversas administracións a un "espectáculo cruel e inútil, baseado na tortura, a dor e o ensañamento co touro".
A Xunta gasta en asesores seis veces máis do que quere aforrar en deputados
O Goberno galego dedica máis de 6 millóns de euros ao ano a persoal de confianza, fronte ao pouco máis dun millón que pretende aforrar coa redución de 14 parlamentarios.
Esquerda Unida pide a unión da esquerda anticapitalista nunha "Syriza galega"
Yolanda Díaz, candidata de EU á Xunta, anuncia que a súa formación comezará unha rolda de contactos na segunda quincena de agosto coas forzas da esquerda alleas ao "tripatito harmónico" do Parlamento na procura dunha unión electoral de cara ás vindeiras eleccións. A coalición reunirase en breve coa FPG, Ecogaleguistas e Anova.
Milleiros de galegos saen ás rúas en defensa dos servizos públicos
As principais cidades de Galicia acollen marchas unitarias en contra dos duros axustes do Goberno contra os empregados públicos. "Hai que recortar o Partido Popular", berraron.
Alessandra Aguilar, a lucense que busca a redención en Londres
A maratoniana galega acode aos Xogos co obxectivo de acabar entre as quince primeiras clasificadas e logo de superar "o gris inverno" que supuxo unha "parva" sanción por dopaxe. "Quero estar entre as quince primeiras", di.
Anova e Compromiso chaman á unidade no seu primeiro 25 de xullo
Beiras suxire a creación dunha "fronte común" da esquerda e do nacionalismo da que non exclúe a BNG nin a IU. Bascuas aclara que CxG "chama por todos pero non espera por ninguén". As dúas novas formacións lanzan duras críticas contra a intención da Xunta de reducir o número de parlamentarios no seu 'debú' no Día da Patria.
O Foro da Mocidade tece pontes na esquerda nacionalista
Mozos vinculados ás diferentes sensibilidades do galeguismo debaten co obxectivo de "construír alternativas para a sociedade galega" nun "espazo de reflexión" que pretende novas dinámicas ante os retos "da crise económica, política e social do país". O proxecto terá continuidade e trasladará as súas propostas a diferentes formacións políticas.
'A pegada dos avós', unha "mirada renovada" da represión franquista
Un documental aborda a Memoria Histórica desde o innovador punto de vista de sete rapaces, que investigan sobre o sufrimento dos represaliados. O filme finánciase a través do crowdfunding e recibe tamén o apoio desinteresado da cidadanía.
A polémica do AVE que acabou coa relación entre BNG e CiU
As continuas críticas da formación catalá aos investimentos na alta velocidade galega racharon a súa relación co BNG. A ruptura acaba cunha vinculación que viviu os seus mellores momentos sendo Anxo Quintana voceiro do Bloque e que comezou a escachar coa candidatura europea cos asubíos aos converxentes en Amio.
Os afectados polas preferentes consideran "unha burla" a arbitraxe
Estafados polas participacións de Novagalicia Banco rexeitan a solución ofrecida pola entidade a unha minoría e á que deu o visto e prace o Banco de España e a UE. "Non é solución ningunha, é unha vergonza", quéixanse.