Praza Pública
O SERGAS opta un ano máis por pechar camas no canto de contratar substitutos
Máis dun milleiro de camas hospitalarias permanecerán pechadas en Galicia este verán. Rocío Mosquera responsabiliza do peche de camas ás vacacións do persoal. Os sindicatos critican que a Xunta agardase ao remate das eleccións para concretar a medida
Os axentes forestais denuncian a "improvisación" da Xunta na loita contra o lume
CIG, CC.OO., UGT e CSIF afirman que o dispositivo contraincendios está mermado, non se cubren as xubilacións, nin as baixas nin as vacantes, e que o Goberno galego segue "sen facer os deberes"
O goberno do PP na Coruña inicia este xoves o traspaso de poderes á Marea Atlántica
Xulio Ferreiro reúnese con Carlos Negreira, que propón unha comisión de seguimento ata o vindeiro 13 de xuño, día da investidura, da que forme parte un representante de cada grupo municipal. "Foi unha reunión institucional, correcta e nun ton moi afable", di o futuro alcalde.
A contratación temporal reduce o paro, que baixa máis do que aumenta o emprego en Galicia
O número de parados rexistrados no país diminúe en 7.780 persoas, o 64% delas no sector servizos. A diferenza entre aumento de cotizantes (+22.037) e diminución do número de parados rexistrados (-26.463) no último ano é aínda de 4.426, unha tendencia contraria ao do Estado.
O polideportivo no mosteiro de Melón, outra historia de cemento
O Sorriso de Daniel denuncia a teima do Concello de Melón de completar a construción dun pavillón na área de protección do Mosteiro de Santa María (declarado BIC), un proxecto paralizado por Patrimonio en 2005 e que o TSXG mandou derrubar en 2008
90 mil galegos percibirían a 'renda mínima garantida' proposta por CC.OO.
Trataríase dun pagamento de 426 euros mensuais para os parados sen prestación. O sindicato alerta tamén da emerxencia da figura do "asalariado pobre": 70 mil traballadores galegos perciben ingresos por debaixo do limiar da pobreza
Os concellos con máis de 5 forzas representadas pasan de 17 a 39
Trátase na súa maioría de cidades e vilas poboadas, con escenarios políticos cada vez máis fragmentados, sen maiorías absolutas e coa necesidade de exercer unha cultura de pactos. Pola contra, máis de dous de cada tres concellos galegos (215) serán gobernados por maioría absoluta
A audiencia das touradas na televisión continúa o seu devalo
A emisión dunha corrida este domingo por TVE foi seguida polo 9,5% dos e das televidentes, 1.3 puntos menos que en 2013 e 3.2 menos que en 2012. GMST presentou unha queixa ante o Valedor do Pobo pola programación deste espectáculo en horario infantil
A Xunta triplicou a licitación de obra pública antes do 24M
A Administración autonómica sacou a concurso obras por 77,4 millóns durante os catro primeiros meses do ano, tres veces máis (+217%) que un ano antes. No conxunto das autonomías, a licitación case se duplicou respecto ao mesmo período de 2014.
Galicia recibe a 'flotilla' da liberdade na súa travesía ata Gaza
Medio cento de persoas recibiron en Bueu o 'Marianne', a primeira embarcación da frota que navega rumbo a Palestina en contra da impunidade de Israel e contra o bloqueo sobre a Franxa. O Concello recibe a tripulación nuns actos que continúan o domingo cunha gala artística.
BNG, Anova, EU e CxG apostan por frontes amplas nas xerais pero difiren na fórmula
Anova e Esquerda Unida coinciden na unidade popular estatal para "cambialo todo", o Bloque aposta por unha "gran convocatoria por Galiza" para "unha gran representación nacionalista" e Compromiso opta por unha "plataforma cidadá galega".
As impugnacións danlle ao PP a vitoria sobre a Marea Atlántica, que gobernará en solitario
Os conservadores suman finalmente 28 votos máis que a plataforma cidadá, que ten garantido o apoio do PSOE para a investidura e que xa aclara que descarta as coalicións tanto no Concello como na Deputación, onde facilitará o cambio de goberno.