O PCG recupera a súa festa anual, que se celebra en Ferrol
Os actos, concerto, mitins, conferencias e debates desenvolveranse ao longo do sábado no barrio de Caranza. Destaca unha mesa redonda sobre as folgas e sucesos do 72, que contará coa participación de Rafael Pillado, ex secretario xeral do partido, e de Waldino Varela, fundador das CCOO en Vulcano.
A proposta de banca ética de Fiare esténdese por Galicia
Fiare organiza mesas redondas e reunións ao longo do mes de xuño en Betanzos, Vigo, Coruña ou Compostela. O pleno do Concello de Manzaneda aprobou por unanimidade a súa entrada en Fiare Galiza, converténdose na primeira administración municipal que o fai.
Os equipos de normalización pídenlles aos pais que escollan o galego no ensino infantil
A Coordinadora lembra a importancia desta decisión, que se toma no momento de formalizar a matrícula e que ten unha vixencia de tres anos. Sinala que só o ensino en galego garante que os nenos e nenas teñan "competencia nas dúas linguas para poderen no futuro decidir cal queren usar"
O reitor da UDC, en contra da suba da nota mínima esixida para obter bolsas
Segundo manifestou Xosé Luís Armesto, subir a nota mínima para obter unha bolsa vai en contra da igualdade de oportunidades dos estudantes ao esixirlle un maior rendemento académico aos alumnos bolseiros. “Os estudantes que solicitan estas bolsas proceden dun contorno económico máis desfavorecido e segundo os expertos, o contorno social dun alumno inflúe notablemente nas cualificacións", dixo
Galicia é a cuarta comunidade que máis difunde o software libre nas súas universidades
Na clasificación, elaborada por unha trintena de expertos, a Universidade de Vigo é 16ª, A Coruña é 17ª e Santiago é 22ª. Encabezan a lista as universidades de Granada, Zaragoza e La Laguna.
"Se Gerardo se centra..."
Conde Roa, caso perdido, do periodista de El País José Precedo, inaugura a colección Xornalistas de 2.0 Editora, na que se irán publicando crónicas e reportaxes de actualidade realizadas por profesionais. O libro esmiuza a carreira política do ex acalde de Compostela, os seus excesos como figura política e a súa incursión marrada nos negocios inmobiliarios. Praza ofrécevos o primeiro capítulo do libro, que se presenta este venres en Santiago.
A plataforma pola defensa de Corcoesto prepara alegacións contra a perigosa mina de ouro a ceo aberto
O polémico proxecto, situado nos concellos de Ponteceso, Cabana de Bergantiños e Coristanco, atópase en exposición pública para acadar a consideración de "estratéxico". Colectivos veciñais e ecoloxistas alertan da contaminación que xeraría unha explotación, de escasos beneficios para a comarca.
EU denuncia o "desdén" do alcalde de Ferrol fronte ás reivindicacións dos traballadores do naval
O Grupo Municipal de Esquerda Unida en Ferrol denuncia o comportamento da alcaldía da cidade departamental, "que coa súa intransixencia e desdén pola masiva mobilización das traballadoras e traballadores de Navantia, fura aínda máis na feble credibilidade da alcaldía desta cidade".
O S8 inaugúrase coa estrea de La Brecha, do arousán Marcos Nine
No programa destaca ademais a retrospectiva dedicada a Peter Kubelka, a estrea en España de The Pettifogger, de Lewis Klahr -un dos máis recoñecidos creadores da animación contemporánea-, os encontros que Alberte Pagán manterá co público ou a proxección dos primeiros Super8 de La Cuadrilla (Santiago Aguilar, Luís Guridi e Raúl Barbé)
Volve Ponte nas ondas!
Os contidos desta nova edición, centrada desta volta no conto popular galego-portugués, poderanse seguir en vídeo a partir das dez da mañá deste venres, 1 de xuño. Participaron centros de ensino de Galicia e Portugal, mais tamén de Cuba, Chile, Colombia ou Brasil. Na emisión participarán así mesmo expertos e contacontos coma Candido Pazó, Lisete Ferreira, Anxo Moure, Tim Bowley, Avelino González, Clara Haddad, Paula Carballeira, José Craveiro, Celso Sanmartín ou Carlos Blanco.
Pesadelo en Coruxo: Queres ser zombie ou runner?
Chega a Galicia un evento friki con millóns de afeccionados en todo o mundo. Trátase dunha carreira de cinco quilómetros polo monte (neste caso na Subida de San Sebastián, en Vigo) na que un grupo de participantes -zombies-, convenientemente maquillados, persegue outro grupo -corredores-, que debe chegar á meta para salvar a súa vida. Será o 29 de xullo e xa se pode reservar praza.
Eu quero vivir neste barrio!
Os veciños e veciñas de San Pedro, en Compostela, celebran este sábado o Día do Barrio, unha xornada de festa, pero tamén de embelecemento e decoración das rúas, prazas e fachadas, e tamén solidario, coa recollida de alimentos para a cociña económica.