Acontece

O líder do PSdeG reclama "rigorosidade" ao Bloque porque "non todo vale". A portavoz nacional da formación nacionalista acusa a socialistas e populares de "protexer intereses partidistas e empresarias".

O documento obriga a que as persoas que traballen ou colaboren nas actividades da Igrexa presenten un certificado negativo do Rexistro Central de Delincuentes Sexuais. Así mesmo, inclúe un "código de boas prácticas" e establece o camiño que deben seguir as denuncias, que dependen directamente do bispo, que as arquivará de non consideralas "verosímiles"

O "diagnóstico técnico sobre os fallos estruturais" determinará se cómpre "cambiar todo o viaduto" ou aínda cabe a posibilidade da reconstrución. O delegado do Goberno central en Galicia sinala que tamén dependerá desas pescudas determinar "se é necesario recorrer á vía xudicial" sobre o acontecido na infraestrutura, adxudicada en 1997 e inaugurada en 2001. A ministra de Transportes visita este venres a zona

Tanto o TSXG como o Poder Xudicial apoian o cambio reclamado por xuízas e xuíces, que obtivo o visto e prace do Ministerio. Para a Xunta de Feijóo era "imposible" orzamentariamente e para a de Rueda "non hai esa necesidade". Os partidos xudiciais da Coruña e Vigo sinalan que hoxe contan ″co apoio unánime de todos os colectivos implicados na Administración de Xustiza″

No novo episodio do Fálase, o podcast informativo de Praza.gal conducido por David Lombao, escoitamos o que nos contaron as autoridades sobre o rescate bancario hai agora dez anos e lembramos o impacto que tivo nas caixas galegas, falando tamén con Noa Presas (BNG) e Pablo Arangüena (PSdeG), membros da paralizada comisión de investigación sobre a desaparición de Caixanova e Caixa Galicia. Ademais, con VINTE, escoitamos moitas músicas que arrecenden a verán, anotamos varias festas na axenda e coñecemos a historia de dúas mozas ucraínas acabadas de chegar á Coruña

No ano 2021 naceron 14.784 nenos e nenas, 500 menos que no 2020 e sete mil por debaixo dos datos de hai unha década. Galicia é a comunidade autónoma con máis diferenza negativa entre mortes e nacementos e a segunda con menor taxa de natalidade

A Consellería aposta por retribuír máis o exceso de xornada e a aqueles profesionais que atendan pacientes dun compañeiro ou dean servizo no rural para "compensar" o "esforzo" dos sanitarios ante a falta de persoal. 

Moitos fenómenos relacionados coa vaga de calor están afectando a Galicia, mais non de forma homoxénea, segundo explican en Meteogalicia. Hai temperaturas extremas e noites tropicais, pero grazas ao nordés a situación non é como noutros puntos da Península

O edificio foi concibido con vistas á contorna natural e combina a área residencial con terrazas exteriores, cubertas e zonas axardinadas

Tras facerse cunha casa reitoral que tentou vender por 680.000 euros, foi sentenciado a seis anos de inhabilitación dos que xa cumpriu cinco, e pide que lle perdoen o que resta, algo que rexeita a asociación de veciños prexudicada

Os xulgados galegos recibiron case 1.700 denuncias por violencia de xénero fronte ás 1.434 do primeiro trimestre de 2021.